قىتايدىڭ حاربين قالاسىندا ءوتىپ جاتقان 2025 جىلعى ازيا ويىندارىندا فريستايل-اكروباتيكادان قازاقستان ەرلەر قۇراماسى ەلىمىزگە ەكىنشى التىن مەدالدى سىيلادى.
قازاقستاندىق سپورتشىلار سينحروندى سەكىرۋدە ۇزدىك اتانىپ، شەرزود حاشيربايەۆ پەن رومان يۆانوۆ بىردەن ەكى جۇڭگو كومانداسىن ارتتا قالدىردى، دەپ حابارلايدى aqshamnews.kz ۇوك-كە سىلتەمە جاساپ.
ەكىنشى مۇمكىندىكتە قازاقستاندىق فريستايلشىلار 97،92 ۇپاي جيناپ، جارىستىڭ جەڭىمپازى اتاندى.
ەكىنشى ورىنعا جۇڭگو قۇراماسى (93،48 ۇپاي) جايعاسسا، ءۇشىنشى ورىندى دا قىتايلىق سپورتشىلار (91،57 ۇپاي) يەلەندى.
اسان اسىلحان مەن دىنمۇحاممەد رايىمقۇلوۆ 83،96 ۇپايمەن ءتورتىنشى ورىن الدى.
ايتا كەتەيىك، قازاقستان العاش رەت ازيا ويىندارىنىڭ تاريحىندا وسى سپورت تۇرىنەن التىن مەدال جەڭىپ الدى.