ۇكىمەتتە كەدەندىك اكىمشىلەندىرۋ ماسەلەلەرى قارالدى
بۇگىن پرەمەر-مينيستردىڭ ورىنباسارى - قارجى ءمينيسترى ەرۇلان جاماۋبايەۆ «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ قىزمەتىندەگى پروبلەمالىق ماسەلەلەرگە بايلانىستى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى، ىشكى ىستەر مينيسترلىگى، ۇلتتىق ەكونوميكا مينيسترلىگى، باسەكەلەستىكتى قورعاۋ جانە دامىتۋ اگەنتتىگى، ادىلەتمينى، كولىك مينيسترلىگىنىڭ جانە وبلىس اكىمدىگى وكىلدەرىنىڭ قاتىسۋىمەن كەڭەس وتكىزدى، دەپ حابارلايدى Almaty-akshamy.kz.
كەڭەستە "قورعاس" شەكارا ماڭى ىنتىماقتاستىعى حالىقارالىق ورتالىعىنىڭ وتكىزۋ قابىلەتىنىڭ تومەندىگى، سونداي-اق قوعامدىق ءتارتىپتى كوپتەگەن بۇزۋشىلىقتار ماسەلەلەرى تالقىلاندى.
كەڭەس قورىتىندىسى بويىنشا مەملەكەتتىك ورگاندارعا حالىقارالىق شەكارا ماڭى ىنتىماقتاستىعى ورتالىعىنىڭ اۋماعىندا قوعامدىق ءتارتىپتى باقىلاۋدى كۇشەيتۋ جونىندە ءبىرقاتار تاپسىرمالار بەرىلدى؛ زاماناۋي سيفرلىق شەشىمدەردى پايدالانا وتىرىپ، باگاجدى قابىلداۋ جانە تاپسىرۋ تەحنولوگياسىن جاڭعىرتۋ؛ "قورعاس شەكارا ماڭى ىنتىماقتاستىعى حالىقارالىق ورتالىعىنىڭ" شتات سانىن ۇلعايتۋ؛ ەلەكتروندىق كەزەكتىڭ ۇزدىكسىز جۇمىس ىستەۋىن قامتاماسىز ەتۋ ماقساتىندا اقپاراتتىق جۇيەلەردى تولىققاندى ينتەگراسيالاۋ.
سونداي-اق، جۇڭگو تاراپىمەن قازاقستان ازاماتتارى ءۇشىن ۆيزاسىز رەجيمدى ەنگىزۋدى جەدەلدەتۋ؛ جەكە تۇلعالار وتكىزەتىن تاۋارلارعا كەدەندىك باقىلاۋدى جاقسارتۋ بويىنشا ۆەدومستۆوارالىق ءوزارا ءىس-قيمىلدى جانە شارالار قابىلداۋدى كۇشەيتۋ تاپسىرىلدى. كەڭەستە بەرىلگەن تاپسىرمالاردى ىسكە اسىرۋ جانە پروبلەمالىق ماسەلەلەردى شەشۋ ماقساتىندا ناقتى ىسكە اسىرۋ مەرزىمدەرى كورسەتىلگەن جول كارتاسى ازىرلەنىپ، ماقۇلداندى.