Skyhansa» قازاقستاندىق-گەرماندىق كومپانياسى «قورعاس – شىعىس قاقپاسى» ارنايى ەكونوميكالىق ايماعىندا قۋاتى ساعاتىنا 500 ادامعا دەيىنگى جولاۋشىلار تەرمينالىن، سىيىمدىلىعى 550 مىڭ تونناعا دەيىنگى وتىن قويماسىن، جۇكتەردى 250 مىڭ تونناعا دەيىن تولىق وڭدەيتىن جۇك تەرمينالىن سالۋ، اۋە كەمەلەرىنە قىزمەت كورسەتەتىن اۆياسيا لىق-تەحنيكالىق ورتالىق قۇرۋ بويىنشا جوبانى ىسكە اسىرۋدا.
سونداي-اق، 300-دەن استام تۇراقتى جۇمىس ورىنىن قۇرا وتىرىپ، حالىق ءۇشىن تۋريستىك جانە ساۋدا، ويىن-ساۋىق قىزمەتتەرىن دامىتۋ جوسپارلانعان. جولاۋشىلار اۋە تاسىمالدارى كورسەتكىشىنىڭ ءوسۋى، مارشرۋتتاردىڭ ارتۋى ىشكى جانە شەتەلدىك ءتۋريزمدى دامىتادى.
بۇل ەل وڭىرلەرىنىڭ ينۆەستيسيالىق تارتىمدىلىعىن ارتتىرادى. قازاقستان اۆياسياسى سالاسىنىڭ دامۋى مەن حالىقارالىق تانىلىمى ۇشۋ قاۋىپسىزدىگىنە بايلانىستى. تمد ەلدەرى اراسىندا ەڭ جوعارى كورسەتكىش – قازاقستاندا، ەلىمىزدەگى ۇشۋ قاۋىپسىزدىگىنىڭ حالىقارالىق ستاندارتتارىنا سايكەستىك دەڭگەيى 82%-دى قۇرايدى. بۇل ناتيجەلەر قازاقستانداعى اۆياسيالىق ءتۋريزمدى دامىتۋعا، سونداي-اق، ەلىمىزدىڭ ەكونوميكالىق الەۋەتىن نىعايتۋعا جانە ونىڭ حالىقارالىق ارەناداعى تارتىمدىلىعىن ارتتىرۋعا سەپتىگىن تيگىزەدى.