جاركەنت قالاسىنىڭ ماڭىندا قاتتى جىلدامدىقپەن جۇرگەن ەكى اۋدي كولىگى سوقتىعىسىپ، وقيعا ورنىندا جانىپ كەتتى، دەپ حابارلايدى almaty-akshamy.kz.
جول اپاتى 18 قاراشادا قورعاس – الماتى تاس جولىندا بولدى. اپاتتان 5 ادام زارداپ شەگىپ، اۋرۋحاناعا جەتكىزىلگەن. اۋىر جاراقات العان ءبىر جولاۋشى مەديسينالىق تەكسەرۋدەن كەيىن اۋرۋحاناعا جاتقىزىلدى.
– اۆتوكولىكتەر «الماتى-قورعاس» تاس جولىنىڭ 336 شاقىرىمىندا سوقتىعىسقان. الدىن الا بولجام بويىنشا، ءاۆتوموبيلدىڭ ءبىرىنىڭ دوڭگەلەگى جارىلىپ، ناتيجەسىندە جۇرگىزۋشى رولگە يە بولماي، باسقا كولىكپەن سوقتىعىسۋعا جول بەرگەن. بۇل جاعداي كەيىننەن ەكى شەتەلدىك كولىكتىڭ دە ورتەنۋىنە سەبەپ بولدى. ءورتتى وقيعا ورنىنا شاقىرىلعان توتەنشە جاعداي قىزمەتىنىڭ ءورت سوندىرۋشىلەرى ءوشىردى»، – دەپ حابارلادى پانفيلوۆ اۋدانىنىڭ پوليسياسى.