الماتى وبلىسىندا ەلەكتر سىمدارىنىڭ قىسقا تۇيىقتالۋىنان جولاۋشىلار اۆتوبۋسى جانىپ كەتتى.
وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، وقيعا 17 قاراشادا ساعات 16:29-دا بولعان.
الماتى وبلىسى تجد كەزەكشى بولىمىنە ىلە اۋدانى بايسەركە اۋىلىندا جولاۋشىلار اۆتوبۋسىنىڭ جانعانى تۋرالى حابارلاما ءتۇستى. وقيعا ورنىنا دەرەۋ ءورت ءسوندىرۋ بريگاداسى جىبەرىلدى، - دەپ اتاپ ءوتتى ۆەدومستۆودان.
ءورتتىڭ الدىن الا سەبەبى – قوزعالتقىش بولىگىندەگى ەلەكتر سىمدارىنىڭ قىسقا تۇيىقتالۋى.
ءورت جارتى ساعاتتا تولىق ءسوندىرىلدى. ابىروي بولعاندا، قۇرباندار مەن زارداپ شەككەندەر جوق. قىزىل جالىندى اۋىزدىقتاۋعا تجد-نىڭ 3 قىزمەتكەرى مەن 1 تەحنيكاسى جۇمىلدىرىلدى، - دەپ مالىمدەدى دەپارتامەنت وكىلدەرى.