سەنات وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن ونەركاسىپ جانە قۇرىلىس ءمينيسترىنىڭ ورىنباسارى ازامات بەيىسبەكوۆ قورعانىس سالاسىنداعى ەكى كاسىپورىندى جەكەشەلەندىرۋدى جوسپاردا بار ەكەنىن ايتتى، دەپ حابارلايدى اlmaty-akshamy.kz.
«بىزدە ءقازىر جۇمىس ىستەپ تۇرعان كاسىپورىنداردىڭ بىرىنە وزىق تەحنولوگيالارى بار ينۆەستور كەلىپ، قوسىمشا ينۆەستيسيا سالسا، زاڭناماعا سونى ەسكەرەتىن وزگەرىس ۇسىنىپ وتىرمىز. ناقتى ۇسىنىستارعا كەلسەك، جەكەشەلەندىرۋ جوسپارىندا ءبىر كاسىپورىن بار. ول – الماتىداعى كيروۆ ماشينا جاساۋ زاۋىتى. ءبىراق ءقازىر وعان ناقتى قىزىعۋشىلىق ءبىلدىرىپ وتىرعان ينۆەستور جوق»، - دەدى ول ب ا ق وكىلدەرىنىڭ ساۋالىنا بەرگەن جاۋابىندا.
سونداي-اق، جايىق بويىنداعى زەنيت زاۋىتىنىڭ جاعدايىنا توقتالدى.
«جالپى قازىرگى تاڭدا ورالداعى زەنيت زاۋىتىن جەكەشەلەندىرۋ ماسەلەسى قارالادى. ول جاقتاعى ماسەلە جايىندا بۇرىن دا پىكىر بىلدىرگەنمىن. زاۋىت جايىقتىڭ بويىندا تۇر. قازىرگى تاڭدا ءونىمنىڭ ءبارى كاسپييدە قولدانىلادى. سوندىقتان كاسپيدىڭ بويىندا ارنايى زاۋىت سالۋ قاجەتتىگى تۋىنداپ وتىر. مىسالى، ءقازىر كاسپييدىڭ كەمە زاۋىتىن سالاتىن ينۆەستور كەلىپ، جاڭا زاۋىت سوعاتىن بولسا، وعان جاڭا تەحنولوگيالار قولدانىلادى. ەرتەڭ ءبىزدىڭ زەنيت قۇراستىرۋشى زاۋىت تاپسىرىسسىز قالماسىن دەپ، ونداعى ادامدار ەرتەڭ جۇمىسسىز قالماسىن دەپ ينۆەستور تارتۋ ماسەلەسىن جان-جاقتى قاراستىرىپ جاتىرمىز»، - دەدى ۆيسە-مينيستر.