الماتى راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ بەسىنشى كۋرس كۋرسانتى سەرگەي لي شىمكەنتتە كاراتە-دو شوتوكان «مۋراكامي كاپ»-تان وتكەن الەم كۋبوگىندا جەڭىسكە جەتتى.
تۋرنيرگە ازەربايجان، قازاقستان، قىرعىزستان، موڭعوليا، رەسەي، تاجىكستان، ۋكراينا، وزبەكستان، فرانسيا جانە جاپونيادان 432 سپورتشى قاتىستى.
قازاقستاندىق كۋرسانت سەرگەي لي كوماندالىق كاتا جانە كۋميتە سەكىلدى ەكى باعدارلامادا ونەر كورسەتتى. 21 مەن 39 جاس ارالىعىنداعى كوماندالىق كاتادا ول ءۇشىنشى ورىنعا يە بولدى.
ونىڭ الەمدىك بىرىنشىلىكتەگى باستى جەتىستىگى 65 كەلىگە دەيىنگى سالماق دارەجەسىندە كۋميتە بويىنشا جەكە ەسەپتە جەڭىسكە جەتۋى بولدى.
– مەن ءۇشىن بۇل جاي عانا جەڭىس ەمەس، كوپ جىلدىق ەڭبەك پەن قاجىرلى جاتتىعۋلاردىڭ ناتيجەسى. ەلىمنىڭ نامىسىن حالىقارالىق دودادا ابىرويمەن قورعاپ، بولاشاق وفيسەرلەردىڭ قالاي دايىندالىپ جاتقانىن كورسەتە العانىمدى ماقتان تۇتامىن. جاتتىقتىرۋشىلارعا، وتباسىما جانە ينستيتۋتقا قولداۋ كورسەتكەنى ءۇشىن راحمەت. ونسىز بۇل جەتىستىك مۇمكىن بولماس ەدى، – دەپ اتاپ ءوتتى سپورتشى.
اسكەري جوعارى وقۋ ورنىنىڭ وكىلدەرى قالالىق، رەسپۋبليكالىق جانە حالىقارالىق دەڭگەيدەگى جارىستارعا ۇنەمى قاتىسىپ، جۇلدەلى ورىندارعا يە بولاتىنىن اتاپ وتكەن ءجون.