الماتىدا ۇيىمداسقان قىلمىسپەن كۇرەسۋشىلەر ستۋدەنتتەرمەن كەزدەستى.
الماتىدا ۇققكب قىزمەتكەرلەرى كيمەپ ستۋدەنتتەرى اراسىندا كەزەكتى قۇقىقتىق ساباق وتكىزدى، دەپ حابارلايدى aqshamnews.kz Polisia.kz-كە سىلتەمە جاساپ.
ماقسات – وسكەلەڭ ۇرپاقتىڭ قۇقىقتىق ساۋاتتىلىعىن ارتتىرۋ، جوعارى وقۋ ورىندارى مەن كوللەدج ستۋدەنتتەرى اراسىندا قۇقىق بۇزۋشىلىقتىڭ الدىن الۋ. پوليسەيلەر ستۋدەنتتەر اراسىنداعى قىلمىستىڭ الدىن الۋ، اتاپ ايتقاندا، بوپسالاۋ مەن قورلاۋدىڭ الدىن الۋ ادىستەرىن ازىرلەدى جانە تالقىلادى. سونىمەن قاتار ءتارتىپ ساقشىلارى ستۋدەنتتەرگە بوپسالاۋ، بۇزاقىلىق جانە باسقا دا زاڭسىز ارەكەتتەر جاساۋدىڭ قۇقىقتىق سالدارى تۋرالى ءتۇسىندىردى.
ەستەرىڭىزگە سالا كەتەيىك، پد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى پروفيلاكتيكالىق جۇمىس اياسىندا ءبىرقاتار دارىستەر مەن قۇقىقتىق ساباقتار توپتاماسىن وتكىزدى.