ق ر ۇلتتىق ۇلانىنا – 30 جىل
قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعىندا رادياسيالىق حيميالىق جانە بيولوگيالىق قورعانىس بولىمشەلەرىنىڭ پوليگوندىق جۇمىسى اياقتالدى.
الماتىمەن ىرگەلەس جاتقان الماتى وبلىسىنا قاراستى جەتىگەن كەنتىندەگى 5574 اسكەري ءبولىمىنىڭ بازاسىندا «وڭتۇستىك» وڭىرلىك قولباسشىلىعىنىڭ جانە 6654 اسكەري ءبولىمىنىڭ رحب قورعانىس قىزمەتىنىڭ ماماندارىن پراكتيكالىق دايارلاۋ جانە رحب قورعانىس بولىمشەلەرىمەن بىرلەسكەن پوليگوندىق جۇمىستار جۇرگىزىلدى.
«وڭتۇستىك» وڭىرلىك قولباسشىلىعىنىڭ جانە 6654 اسكەري ءبولىمىنىڭ رادياسيالىق، حيميالىق جانە بيولوگيالىق قورعانىس بولىنىستەرىنىڭ 139 مامانى پوليگوندىق پراكتيكاعا قاتىستى. پوليگوندىق پراكتيكانىڭ نەگىزگى ماقساتتى – دالالىق ماشىقتانۋ دەڭگەيىن ارتتىرۋ، جەكە داعدىلاردى جەتىلدىرۋ جانە رحب قورعانىس مىندەتتەرىن ورىنداۋ كەزىندە ەسەپتوپتار مەن بولىمشەلەر قۇرامىنداعى ءىس-قيمىلدار ۇيلەسىمدىلىگىن ارتتىرۋ.
پوليگون جۇمىستارىنا «وڭتۇستىك» وڭىرلىك قولباسشىلىعىنىڭ جەدەل باسقارماسىنىڭ رحب قورعاۋ قىزمەتىنىڭ باستىعى مايور ديدار بولاتوۆ باسشىلىق جاسادى.
– وڭىرلىك قولباسشىلىقتا بارلىق باعىتتاعى مامانداردى، وفيسەرلەر، سەرجانتتار مەن ساربازدار قۇرامىن كاسىبي دايارلاۋعا ماڭىزدى ءمان بەرەتىنىن، ولاردىڭ كاسىبي شەبەرلىگىن ودان ءارى جەتىلدىرۋدى ۇدايى ارتتىرىپ وتىراتىنىمىزدى اتاپ وتكەن ءجون. سونداي-اق، پوليگوندىق جۇمىس اسكەري قىزمەتشىلەردىڭ جاۋىنگەرلىك ءىس-قيمىلداردى جۇرگىزۋ كەزىندە رادياسيالىق، حيميالىق جانە بيولوگيالىق قورعاۋدى ۇيىمداستىرۋداعى تەوريالىق بىلىمدەرى مەن پراكتيكالىق داعدىلارىن جەتىلدىرۋگە ءوز سەپتىگىن تيگىزەدى، – دەدى «وڭتۇستىك» وڭىرلىك قولباسشىلىعى قولباسشىسىنىڭ ءبىرىنشى ورىنباسارى – شتاب باستىعى پولكوۆنيك بەكايدار قازكەيەۆ.
پراكتيكا بارىسىندا وفيسەر، كەلىسىمشارت بويىنشا اسكەري قىزمەتشى جانە ساربازداردان ءتورت قۇراما ۆزۆود جاساقتالدى. ءبىرىنشى رادياسيالىق جانە حيميالىق بارلاۋ ۆزۆودىنا 6698 اسكەري ءبولىمىنىڭ رحب قورعانىس قىزمەتىنىڭ باستىعى مايور ەرجان مەدەتوۆ، ەكىنشى رادياسيالىق جانە حيميالىق بارلاۋ ۆزۆودىنا 3665 اسكەري ءبولىمىنىڭ رحب قورعانىس قىزمەتىنىڭ باستىعى پودپولكوۆنيك ەرماحان ۋميرتايەۆ، ءۇشىنشى ارنايى وڭدەۋ ۆزۆودىنا 5572 اسكەري ءبولىمىنىڭ رحب قورعانىس قىزمەتىنىڭ باستىعى مايور ميراس بيسەنعالييەۆ، ءتورتىنشى ارنايى وڭدەۋ ۆزۆودىنا 6654 اسكەري ءبولىمىنىڭ رحب قورعانىس قىزمەتىنىڭ باستىعى پودپولكوۆنيك جاندوس نۇراحمەتوۆ باسشىلىق جاسادى.
العاشقى ساباق «قارۋدى، ارنايى قۇرالداردى جانە قىزمەتتىك ءيتتى قولدانۋ» تاقىرىبىندا ۇلتتىق ۇلاننىڭ قىزمەتتىك-جاۋىنگەرلىك قولدانۋ تاكتيكاسىنان باستالدى. ءبىرىنشى ساباق بىتكەننەن كەيىن جەكە قۇرام پراكتيكالىق دايىندىق وتكىزۋ ءۇشىن رحب قورعانىس قالاشىعىنا بەت الدى. ول جەردە پوليگون جۇمىستارىنىڭ باستىعى مايور ديدار بولاتوۆ تەحنيكالىق باقىلاۋ شاتىرىندا گازتۇتقىشتى قيىستىرىپ كەلتىرۋ جانە تەحنيكالىق تەكسەرۋدەن وتكىزۋ بويىنشا ساباق وتكىزدى. پوليگون جۇمىستارىنىڭ ەكىنشى كۇنى جەكە قۇرام تەحنيكا مەن رحب قورعانىس قۇرالدارىنا كۇتىم جاساۋ بويىنشا № 26، 30 تاپسىرمالاردى ورىنداۋدى مەڭگەردى.
قازاقستان رەسپۋبليكاسى قورعانىس مينيسترلىگى دەسانتتىق-شابۋىلداۋ اسكەرى 26363 اسكەري ءبولىمىنىڭ رحب قورعانىس جەكە باتالونىنىڭ اسكەري قىزمەتشىلەرى پۋس-رپو-ا وقۋ-جاتتىعۋ قۇرالىن پايدالانا وتىرىپ، وقۋ اتىستارىن ۇيىمداستىردى.
پراكتيكالىق ساباقتار بارىسىندا سەرجانتتار مەن ساربازدار رادياسيالىق، حيميالىق، بيولوگيالىق بارلاۋ جانە ارنايى وڭدەۋ پۋنكتتەرىن ورىستەتۋ قارۋ-جاراقتى، اسكەري تەحنيكانى جانە جەكە قۇرامدى تولىق ارنايى وڭدەۋدى پىسىقتادى.
ون تاۋلىك ىشىندە وڭتۇستىكتىڭ قۇبىلمالى اۋا رايىنا قاراماستان، حيميكتەر وزدەرىنىڭ تەوريالىق بىلىمدەرىن پراكتيكادا كورسەتتى، ارنايى تەحنيكا ارقىلى ءوز مىندەتتەرىن پىسىقتادى، ال سەرجانتتار بولىمشەلەردى باسقارۋدا جاۋىنگەرلىك قامتاماسىز ەتۋ تاپرسىرمالارىن ورىنداۋ بويىنشا تاجىريبە الماستى. جيىن بارىسىندا جەكە قۇرامعا رحب قورعاۋ قۇرالدارى مەن قارۋ-جاراقتىڭ زاماناۋي ۇلگىلەرى ۇسىنىلدى.
بارلىق قاتىسۋشىلار اراسىندا رحب قورعانىسىنىڭ ۇزدىك مامانىن انىقتاۋ ءۇشىن قاشىقتىققا جۇگىرۋدەن، بەلتەمىرگە تارتىلۋدان، 100 مەترگە جۇگىرۋدەن جانە رحب قورعانىستان №1، 2، 3، 4، 5، 6، 7، 9، 12 نورماتيۆتەردى ورىنداۋدان جارىستار ۇيىمداستىرىلىپ، باقىلاۋ-تەكسەرۋ ساباقتارى وتكىزىلدى.
دەمالىس كۇندەرى رحب قورعانىس ماماندارىنا وتان قورعاشۋىلار جانە ۇلى وتان سوعىسى جەڭىسىنىڭ 77 جىلدىعى مەرەكەسىنە وراي «گەنەرال» توبىنىڭ كونسەرتتىك باعدارلاماسى ۇسىنىلدى. سونىمەن قاتار، جيىنعا قاتىسۋشىلاردىڭ اراسىندا جاپپاي سپورتتىق ءىس-شارالار مەن ۆولەيبولدان جارىس ۇيىمداستىرىلدى. ناتيجەسىندە 5513 اسكەري ءبولىمىنىڭ ماماندارى باس جۇلدەنى يەلەندى. ال جۇلدەلى ەكىنشى ورىنعا 5514 اسكەري ءبولىمىنىڭ ماماندارى تابان تىرەسە، ءۇشىنشى ورىن 6506 اسكەري بولىمىندەگى رحب قورعانىس ماماندارىنىڭ قانجىعاسىنا بايلاندى.
پوليگوندىق پراكتيكانىڭ قورىتىندىسى بويىنشا رادياسيالىق، حيميالىق جانە بيولوگيالىق قورعانىس ەكيپاجدارى مەن ەسەپتوپتارى، سونىمەن قاتار ءبىرقاتار ماماندار جوعارى ناتيجە كورسەتتى. اتاپ ايتار بولساق، رحب قورعانىس بويىنشا نورماتيۆتەردى ورىنداۋدان ۇزدىك مەرزىمدىك قىزمەتتەگى سارباز 5514 اسكەري ءبولىمىنىڭ جاۋىنگەرى قاتارداعى نۇرداۋلەت زەينۋللا 1-ورىندى، 5547 اسكەري بولىمىنەن قاتارداعى اسلان دولدان 2-ورىندى جانە 3-ورىندى 5571 اسكەري ءبولىمىنىڭ جاۋىنگەرى قاتارداعى سارباز ءالي ەركىن يەلەندى.
ال 2022 جىلدىڭ ءى جارتىجىلدىعىندا «ۇزدىك رحب قورعانىس مامانى» دەپ تانىلعان 6506 اسكەري ءبولىمىنىڭ ءبولىنىس باستىعى سەرجانت تاسبولات تاستانبەكوۆ (1-ورىن)، 5571 اسكەري ءبولىمىنىڭ رحب قورعانىس ۆزۆودىنىڭ كومانديرى اعا لەيتەنانت ءابىل بايمولدين (2-ورىن) جانە 6654 اسكەري ءبولىمىنىڭ رحب بارلاۋ بولىمشەسىنىڭ كومانديرى سەرجانت ءامىرحان بەكمۇرزا، سونداي-اق پوليگوندىق جۇمىستى وتكىزۋدە كورسەتكەن ىنتاسى مەن بەلسەندى اتسالىسقانى ءۇشىن 15 اسكەري قىزمەتشى «وڭتۇستىك» وڭىرلىك قولباسشىلىعى قولباسشىسىنىڭ اتىنان گراموتا جانە مەدالدارمەن ماراپاتتالدى.
جالپى، پوليگوندىق جۇمىس بارىسىندا رحب قورعانىس ماماندارى ءوز مىندەتتەرىن ورىنداۋ كەزىندە ەسەپتوپتار مەن بولىمشەلەر قۇرامىنداعى ءىس-قيمىلداردى جاقسى مەڭگەرگەندىگىن، كاسىبي تۇرعىدا بىلىكتىلىكتەرىنىڭ شىڭدالعانىن كورسەتىپ، وزگە دە ارىپتەستەرىمەن تاجىريبە الماسىپ قايتتى.