بۇل تۋرالى ورتالىق كوممۋنيكاسيالار قىزمەتى الاڭىندا اۋىل شارۋاشىلىعىنىڭ ءبىرىنشى ۆيسە-مينيسترى ايداربەك ساپاروۆ ايتتى.
ۇكىمەت ىشكى نارىقتى الەۋمەتتىك ماڭىزى بار ازىق-تۇلىك تاۋارلارىمەن تولىقتىرۋ بويىنشا شارالاردى قابىلداپ جاتىر، دەپ حابارلايدى Almaty-akshamy.kz
«7 ساۋىردەگى جاعداي بويىنشا، ۇن قورى 118 مىڭ توننانى قۇرايدى، ونىڭ ىشىندە تۇراقتاندىرۋ قورلارىندا 10 مىڭ توننا، «اينالىم سحەماسى» شەڭبەرىندە 22 مىڭ توننا، وندىرۋشىلەردە 48 مىڭ توننا، قويمالاردا شامامەن 20 مىڭ توننا، ساۋدا وبەكتىلەرىندە 18 مىڭ توننا بار. كورسەتىلگەن كولەم ىشكى قاجەتتىلىكتى قامتاماسىز ەتۋ ءۇشىن جەتكىلىكتى. سونىمەن قاتار ازىق-تۇلىك كورپوراسياسىنىڭ رەسۋرستارىندا 800 مىڭ توننادان استام استىق بار، ولار قاجەت كەزىندە جاعدايدى تۇراقتاندىرۋ ءۇشىن ىشكى نارىققا جىبەرىلەدى»، - دەپ سەندىردى ا. ساپاربايەۆ.