«قوقىستان جاسالعان ۇزدىك ارت - وبەكت» بايقاۋى «الماتى - ءبىزدىڭ ورتاق ءۇيىمىز» اكسياسى اياسىندا وتەدى

بايقاۋدى وتكىزۋدىڭ ماقساتى - تۇرمىستىق قالدىقتاردى بولەك جيناۋ جانە لاستانۋ پروبلەمالارىنا نازار اۋدارۋ، سونداي-اق حالىقتى ءتارتىپتى، تازالىقتى ساقتاۋعا جانە قالالىق ورتاعا ۇقىپتى قاراۋعا ىنتالاندىرۋ

«قوقىستان جاسالعان ۇزدىك ارت-وبەكت» بايقاۋى اعىمداعى جىلدىڭ 12-30 ءساۋىر ارالىعىندا الماتىدا وتەدى، دەپ حابارلايدى Almaty-akshamy.kz

بايقاۋعا قاتىسۋعا سۋرەتشىلەر، مۇسىنشىلەر، ساۋلەتشىلەر، سونداي-اق شىعارماشىلىق وبەكتيۆى ارقىلى ەكولوگيالىق پروبلەمالاردى كورسەتە الاتىن ونەر سۇيەر قاۋىم شاقىرىلادى. 

قاتىسۋ ءۇشىن ecology@almaty.gov.kz ەلەكتروندى پوشتاسىنا كەلەسى مالىمەتتەردى جولداۋ قاجەت:

1.قاتىسۋشىنىڭ ءاتى-جونى، تەلەفون ءنومىرى؛

2.كونكۋرسقا ۇسىنىلاتىن ارت-وبەكتىسىنىڭ سيپاتتاماسى؛

3.ارت-وبەكتىنىڭ فوتوسۋرەتى؛

3. قولدانىلعان ماتەريالدار (ماكۋلاتۋرا، شىنى، پلاستيك، ت.ب.).

بايقاۋدىڭ مىندەتتى شارتى قاتىسۋشىنىڭ "دەربەس دەرەكتەر تۋرالى" ق ر زاڭىنا سايكەس دەربەس دەرەكتەردى وڭدەۋگە جانە كونكۋرسقا قاتىسۋشىلار تۋرالى اقپاراتتىق ماتەريالداردى باق-تا جانە الەۋمەتتىك جەلىلەردە جاريالاۋعا كەلىسۋى بولىپ تابىلادى.

وتىنىمدەر اعىمداعى جىلدىڭ 26 ساۋىرىنە دەيىن (قوسا العاندا) قابىلدانادى. قوسىمشا جانە قىزىقتىراتىن سۇراقتار تۋىنداعان جاعدايدا كەلەسى بايلانىس نومىرلەرى بويىنشا حابارلاسۋىڭىزدى سۇرايمىز: +7(702) 066-22-55، +7(775) 289-86-55 +7(727) 390-41-07، +7(727) 390-41-30. قوڭىراۋلار جۇمىس كۇندەرى جانە جۇمىس ۋاقىتىندا، ساعات 9:00-دەن 18:00-گە دەيىن قابىلدانادى.

قورىتىندى شىعارۋ ءۇشىن ۇپايلار بارلىق كورسەتكىشتەر بويىنشا جيناقتالادى (كەستە قوسا بەرىلەدى). قاتىسۋشىلار ءتىزىمى كەمۋ رەتىمەن باعالانادى، ياعني «قوقىستان شىققان ەڭ جاقسى ونەر نىسانى» ەڭ كوپ ۇپاي جينايدى.

بايقاۋدىڭ جەڭىمپازدارى ءۇشىن جۇلدە قورى (دەمەۋشىلىك قاراجات ەسەبىنەن):

1 ورىن - 1 ملن. تەڭگە؛

2 ورىن - 500 مىڭ تەڭگە؛

3 ورىن - 300 مىڭ تەڭگە.

كەستە

كونكۋرستىڭ قورىتىندىسىن قوعامدىق جانە ەكو-قوعامداستىق وكىلدەردىڭ جانە ونەر قايراتكەرلەرىنىڭ قاتىسۋىمەن كونكۋرستىق كوميسسيا ايقىندايتىن بولادى.