«جاس مامان» جوباسى
مەملەكەت باسشىسى قازاقستان حالقىنا جولداۋىندا 2025 جىلدى جۇمىسشى ماماندىقتارى جىلى دەپ جاريالاپ، كاسىپتىك ءبىلىم بەرۋدى رەفورمالاۋدىڭ، قاجىرلى ەڭبەك پەن كاسىپقويلىق يدەياسىن ناسيحاتتاۋدىڭ ماڭىزدىلىعى تۋرالى ايتتى.
ءبىزدىڭ تۋريزم جانە قوناقجايلىلىق يندۋسترياسى كوللەدجىنىڭ نەگىزگى مىندەتى – جۇمىس بەرۋشىلەرگە، قوعامعا جانە مەملەكەتكە قاجەتتى ماماندىقتار مەن كاسىپتەر بويىنشا، ەڭبەك نارىعىنىڭ تالاپتارىنا ساي بىلىكتى ماماندار دايارلاۋ.
تۋريزم مەن قوناقجايلىلىق يندۋسترياسىنىڭ ۇدەمەلى دامۋى – قازىرگى زاماننىڭ ەڭ جارقىن قۇبىلىستارىنىڭ ءبىرى. قىزمەت كورسەتۋ سالاسى ۇلتتىق بيۋدجەتكە قوسقان ۇلەسى جاعىنان دا، وندا جۇمىسپەن قامتىلعاندار سانى جاعىنان دا باسىمدىققا يە بولىپ وتىر. قازىرگى ەكونوميكاداعى قىزمەت كورسەتۋ سالاسىنىڭ ماڭىزى ۇنەمى ارتىپ كەلەدى، بۇل ءقوناقۇي كاسىپورىندارىن باسقارۋدىڭ جاڭا تاسىلدەرىن ازىرلەۋگە جانە وسى ۇيىمدار قىزمەتكەرلەرىنىڭ كاسىبي دەڭگەيىن ارتتىرۋعا بايلانىستى كوپتەگەن ماقسات-مىندەتتەردىڭ تۋىنداۋىنا الىپ كەلەدى. ستۋدەنتتەردىڭ كاسىبي ورتاعا ينتەگراسيالانۋى ماڭىزدى.
بۇل رەتتە الەۋمەتتىك سەرىكتەستەرمەن الماتى قالاسىنىڭ جەتەكشى كاسىپورىندارىندا كاسىبي تاجىريبەدەن ءوتۋ تۋرالى 300-دەن استام كەلىسىم-شارتتاردىڭ جاسالۋى تۇلەكتەرىمىزدىڭ كاسىبي بىلىكتىلىگىن ارتتىرۋعا ىقپال ەتەدى. وسى ورايدا، ماماندار دايارلاۋدا قازاقستاندىق قوناقۇيلەر مەن مەيرامحانالار قاۋىمداستىعى (ققجمق)، قازاقستاننىڭ تۋريستىك قاۋىمداستىعى (قتا)، قازاقستان تاعام كاسىپورىندارىنىڭ وداعى، «قۇمبەل مادەني-الەۋمەتتىك جانە ءبىلىم بەرۋدى دامىتۋدىڭ قازاقستاندىق قورى» بقب، تاعى باسقا دا الەۋمەتتىك سەرىكتەستىكتەرىمىزدىڭ ءرولىن اتاپ وتكىم كەلەدى جانە ولارمەن ىقپالداستىقتىڭ ارقاسىندا كوللەدج ءومىرى جاندانا باستادى.
2022 جىلدان باستاپ كوللەدجدە «جاس مامان» جوباسى اياسىندا اشىلعان «قوناقجايلىلىق يندۋسترياسى» قۇزىرەتتىلىك ورتالىعى جۇمىس ىستەيدى. ورتالىق كاسىبي قۇزىرەتتىلىكتەردى، جاڭا تەحنولوگيالىق شەشىمدەردى جانە زاماناۋي كاسىبي داعدىلاردى دامىتۋعا ىقپال ەتەدى. سونىمەن قاتار، ورتالىقتىڭ بازاسىندا كاسىبي بايقاۋلار مەن حالىقارالىق چەمپيوناتتارعا دايىندالۋ ءۇشىن وقۋ-جاتتىعۋ لاگەرلەرى جۇمىس جاساۋدا.
كوللەدجدىڭ وقۋ-تاجىريبەلىك شەبەرحانالارى تابىستى جۇمىسپەن قامتىلۋعا ىقپال ەتەتىن كاسىبي داعدىلار مەن قابىلەتتەردى تاجىريبەدە قولدانۋعا مۇمكىندىك بەرەتىن زاماناۋي يننوۆاسيالىق جابدىقتارمەن جابدىقتالعان.
كاسىپتىك-تەحنيكالىق ءبىلىم بەرۋ جۇيەسىن ترانسفورماسيالاۋ جانە جۇمىسشى ماماندىقتار جىلىن وتكىزۋ اياسىندا كوللەدجدە جۇمىسشى ماماندىقتارىنىڭ بەدەلىن، كادرلار دايارلاۋ ساپاسىن ارتتىرۋعا، جۇمىس بەرۋشىلەرمەن ءوزارا قارىم-قاتىناس جاساۋدى كەڭەيتۋگە ىقپال ەتەتىن ءىس-شارالار جوسپارلانعان.
زاماناۋي پوستيندۋستريالدى قوعام وقۋ ورنىنىڭ باسەكەگە قابىلەتتى تۇلەگىن دايىنداۋعا جاڭا تالاپتار قويادى. قوناقجايلىلىق يندۋسترياسى ءتۇرلى پاندەر بويىنشا وزەكتى تەوريالىق جانە پراكتيكالىق بىلىممەن قارۋلانعان جانە بيزنەستى جۇرگىزۋدى جاقسى مەڭگەرگەن جاس مامانداردى قاجەت ەتەدى.