بۇل وتكەن جىلدىڭ سايكەس كەزەڭىمەن سالىستىرعاندا 1،6 ەسە كوپ.
بىلتىر العاشقى توقساندا ەلىمىزدەگى ورنالاستىرۋ ورىندارى 26،3 ملرد تەڭگەگە قىزمەت كورسەتكەن، دەپ حابارلايدى Almaty-akshamy.kz.
قاڭتار-ناۋرىز ارالىعىندا ورنالاستىرۋ ورىندارىنا 228 مىڭ شەتەلدىك قوناق توقتادى.
ايتا كەتۋ كەرەك، جىل باسىندا قازاقستاندا قوناق ۇيلەردىڭ سانى 4 مىڭعا جەتتى. ولاردىڭ جالپى سىيىمدىلىعى 203 مىڭنان استام ورىندى قۇرايدى.
"ىشكى جانە شەتەلدىك تۋريستەر سانىنىڭ ارتۋىنا بايلانىستى قوناق ءۇي قىزمەتىنىڭ كولەمى دە ۇلعايدى. ماسەلەن، بيىل جاز باستالعالى ەلىمىزگە كەلگەن شەتەلدىكتەردىڭ جالپى سانى 3 ەسە ارتتى. اتاپ ايتقاندا، قىتايدان - 8،5 ەسە، ءۇندىستاننان - 4،7 ەسە، وڭتۇستىك كورەيادان - 3،8 ەسە، يراننان - 3،8 ەسە، گەرمانيادان - 3 ەسە، اقش-تان - 2،2 ەسە ارتىپ وتىر"،- دەدى مادەنيەت جانە سپورت مينيسترلىگىنىڭ باسپا ءسوز حاتشىسى ءمولدىر ابدۋالييەۆا.