جىل باسىنان بەرى الماتىدا موپەد جۇرگىزۋشىلەرى 10 مىڭ رەتتەن اسا جول ءجۇرۋ ەرەجەسىن بۇزعان.
تەك موپەدتەردىڭ قاتىسۋىمەن 250 اپات تىركەلىپ، 10 ادام قازا تاپتى. مۇنداي ستاتيستيكانى الماتى قالاسىنىڭ اكىمشىلىك پوليسياسى تاراتتى، دەپ حابارلايدى Almaty-akshamy.kz.
جول-كولىك وقيعالارىنا جىلدامدىقتى ساقتاماۋ، قارسى جولاققا شىعۋ جانە كولىك اعىنىمەن ءجۇرۋ ەرەجەلەرىن بۇزۋ سەبەپ بولىپ وتىر. جاعدايدىڭ قانشالىقتى اۋىر ەكەنىن مىنا كادرلاردان انىق بايقاۋعا بولادى. قالاداعى ايىپتۇراقتا جول ەرەجەسىن بۇزىپ، قولعا تۇسكەن موتوسيكلدەر مەن موپەدتەر ءۇشىن بولەك ايماق بولىنگەن. مۇندا ءقازىر 628 شاعىن قوزعالىس كولىگى قاڭتارىلىپ تۇر. بۇل جەرگە كۇن سايىن 15-20 موپەد اكەلىنەدى. ولاردىڭ كوپشىلىگى جول اپاتىنان جارامسىز بولىپ قالعان. سونىمەن قاتار موپەد پەن موتوسيكل يەلەرى تۇنگى ۋاقىتتا قالا تۇرعىندارىنىڭ تىنىشتىعىن بۇزاتىنى جاسىرىن ەمەس.
- موتوسيكلدەر مەن موپەدتەردىڭ يەلەرى كولىكتىڭ داۋسىن قاتتى شىعارۋ ءۇشىن، ءارتۇرلى ارەكەت جاسايدى. بۇل ازاماتتاردىڭ تىنىشتىعىنا كەرى اسەر ەتەدى، اسىرەسە تۇنگى ۋاقىتتا رۇقسات ەتىلمەگەن جارىستار ۇيىمداستىرادى. سونداي-اق مانيەۆر جاساۋ جانە جىلدامدىقتى شەكتەۋ ەرەجەلەرىن بۇزىپ، قالا بويىنشا توپتىق قوزعالىستار جاسايدى. تۇرعىندار بۇعان دا شاعىمدانىپ وتىر، دەيدى الماتى پد اكىمشىلىك پوليسيا باسقارماسىنىڭ باسشىسى اسحات قۇلبايەۆ.