31 تامىزدا قونايەۆ قالاسىندا الماتى وبلىسىنىڭ اكىمدىگى، ق ر عىلىم جانە جوعارعى ءبىلىم مينيسترلىگى، «Qonayev Academic Campus» Fund» كومەرسيالىق ەمەس ۇيىمى باسشىلىقتارىنىڭ جانە ب ا ق وكىلدەرىنىڭ قاتىسۋىمەن «ءوزارا ىنتىماقتاستىق تۋرالى» ءۇشجاقتى مەموراندۋمعا قول قويۋ ءراسىمى ءوتتى، دەپ حابارلايدى Almaty-akshamy.kz.
اتالعان قۇجاتقا وبلىس اكىمى م.ە. سۇلتانعازييەۆ، مينيستر س.نۇربەك جانە قوردىڭ ديرەكتورى ج.راحماني قول قويدى.
بۇل ۋاعدالاستىققا ق ر پرەزيدەنتى ق.ك. توقايەۆتىڭ قونايەۆ قالاسىندا «قونايەۆ اكادەميالىق قالاشىعىن» سالۋ جونىندەگى بەرگەن تاپسىرماسىن ورىنداۋ ماقساتىندا قول جەتكىزىلىپ وتىر.
كەلىسىم شەڭبەرىندە قالاشىق اۋماعىنا 2023-2024 جىلداردا تولىق ينفراقۇرىلىم جۇرگىزۋ، حالىقارالىق ۇيىمدار مەن ينۆەستيسيالىق قورلاردان قارجىلار تارتۋ ارقىلى 2024-2027 جىلدار ارالىعىندا ەلىمىزدىڭ ءتورت ۋنيۆەرسيتەتىن كوشىرۋ (1-كەزەڭدە) جانە شەتەلدىك ءتورت ۋنيۆەرسيتەتتى اشۋ (2-كەزەڭدە)، عىلىمي-زەرتتەۋ ورتالىقتارى مەن زەرتحانالار، جاتاقحانالار مەن قوناق-ۇيلەر سالۋ، جۇمىستارى اتقارىلاتىن بولادى.