قالادا «بىرگە تازا قازاقستان» ەكولوگيالىق اكسياسى باستالدى
الماتى وبلىسىنىڭ ورتالىعى قونايەۆ قالاسىندا جالپىحالىقتىق سەنبىلىك باستالدى. ءىس-شارا اياسىندا ءارتۇرلى اۋدانداردا جاپپاي اعاش وتىرعىزىلىپ جاتىر، دەپ حابارلايدى Almaty-akshamy.kz.
№7 جاعاجايدىڭ ساياباق ايماعىندا 300 جاس تەرەك وتىرعىزىلدى. سەيفۋللين كوشەسىنىڭ بويىندا (اۆتوتراسسادان تەمىرجول جولدارىنا دەيىن) 100 شىرشا جانە 100 قاراعاي، 10 ەمەن مەن قاراعاش ەگىلدى. فرۋنزە كوشەسىنىڭ بويىندا (گوۆد مەن قارتتار ءۇيىنىڭ اراسىندا) 50 شىرشا، 50 قاراعاي جانە 100 قاراعاش وتىرعىزىلدى. سانيتارلىق تازارتۋ اياسىندا 20 توننا قوقىس جينالىپ، شىعارىلدى. اكسياعا 1000-عا جۋىق ادام قاتىستى.
«سەنبىلىككە زارەچنىي اۋىلدىق وكرۋگىندە 4 بىرلىك تەحنيكا جانە 200-دەن مەكەمە قىزمەتكەرلەرى جۇمىلدىرىلدى. ناتيجەسىندە 130 م3 قوقىس شىعارىلدى. سونداي-اق، كاتالپا سورتىنىڭ 30 اعاشى وتىرعىزىلدى»، - دەپ حابارلادى وبلىس اكىمىنىڭ باسپا ءسوز قىزمەتى.