قۇجات 27 ماۋسىمعا دەيىن قوعامدىق تالقىلاۋدا بولادى.
قونايەۆ قالاسىنىڭ 2050 جىلعا دەيىن دامىتۋدىڭ باس جوسپارى جوباسىندا حالىقارالىق اۋەجاي مەن مۇناي وڭدەۋ زاۋىتىن سالۋ جوسپارى كورسەتىلگەن. بۇل تۋرالى الماتى وبلىسىنىڭ اكىمدىگى «اشىق نقا» پورتالىندا جاريالادى.
جوبالىق كەزەڭدە قونايەۆ قالاسىن دامىتۋعا ارنالعان ينۆەستيسيالار بارلىعى 4 070 870،47 ملن تەڭگەنى قۇرايدى.
«جوبادا قالاداعى «حالىقارالىق ترانزيتتىك جۇك-جولاۋشىلار اۋەجايىنىڭ قۇرىلىسى» جانە «مۇناي وڭدەۋ زاۋىتى قۇرىلىسى» جوباسىن ىسكە اسىرۋ ۇسىنىلادى. سونداي-اق، جوبالىق قۋاتى 550 توسەك-ورىن بولاتىن قالالىق كوپبەيىندى اۋرۋحانا عيماراتى، 750 توسەك-ورىن بولاتىن وبلىستىق كوپبەيىندى اۋرۋحانا جانە «جاڭا ىلە» جاڭا اۋدانىندا جوبالىق قۋاتى 100 توسەك-ورىن بولاتىن جاڭا كارديولوگيالىق ورتالىق سالۋ جوسپارلانعان»، – دەلىنگەن قۇجاتتا.