ق ر اۋىل شارۋاشىلىعىنىڭ جەر قاتىناستارى كوميتەتى «اشىق نقا» پورتالىنا جاڭادان قۇرىلعان وبلىستاردىڭ، ولاردىڭ قۇرامىنا ەنگەن اۋداندار مەن قالالاردىڭ كاداسترلىق كودىن بەلگىلەيتىن بۇيرىق جوباسىن جاريالادى، دەپ حابارلايدى Almaty-akshamy.kz.
قۇجات جوباسى بويىنشا، اباي وبلىسىنا – 23، ۇلىتاۋ وبلىسىنا – 25، جەتىسۋ وبلىسىنا – 24 دەگەن كاداسترلىق كود بەرىلمەك. قونايەۆ قالاسى قاپشاعاي بولىپ تۇرعان كەزدەگى كاداسترلىق كودىن ساقتاپ قالدى – 055. سونداي-اق اباي وبلىسىنداعى كۋرچاتوۆ قالاسىنىڭ كاداسترلىق كودى – 217، اقسۋات اۋدانىنىڭ كودى – 333 بولاتىنى ايتىلعان. ال شىعىس قازاقستان اۋماعىندا قايتا قۇرىلعان سامار اۋدانىنىڭ كاداسترلىق كودى 334 بولماق. بۇعان دەيىن قايتا قۇرىلىمداۋ ارقىلى قۇرىلعان 3 وبلىستىڭ كولىك نومىرلەرى بەلگىلەنگەن ەدى.
«جاڭادان پايدا بولعان ءۇش وبلىسقا اۆتوكولىكتەردىڭ وڭىرلەرلىك كودتارىن مىناداي تارتىپپەن بەرۋ ۇسىنىلادى: اباي وبلىسى - 18، جەتىسۋ وبلىسى - 19،ۇلىتاۋ وبلىسى - 20»، - دەپ حابارلادى ءىىم باسپا ءسوز قىزمەتى.
مينيسترلىك اقپاراتىنا قاراعاندا، جاڭا ايماقتاردا كولىكتىڭ ءنومىر كودتارىن ەنگىزۋ بارىسىندا كولىك قۇرالدارىنداعى بۇرىنعى مەملەكەتتىك نومىرلەردى اۋىستىرۋ تالاپ ەتىلمەيدى.