قول-اياق ۇنەمى توڭۋى ءبىرقاتار اۋرۋدىڭ بەلگىسى بولۋى مۇمكىن. بۇل تۋرالى Life.ru سايتىنا كارديولوگ دارىگەر، مەديسينا عىلىمدارىنىڭ كانديداتى يرينا پوليايەۆا ايتىپ بەردى، - دەپ حابارلايدى aqshamnews.kz ءتىلشىسى.
ماماننىڭ ايتۋىنشا، كوبىنەسە اياق-قولدىڭ توڭۋى قاراپايىم سەبەپتەرگە بايلانىستى بولادى: اينالاداعى اۋا تەمپەراتۋراسىنىڭ تومەندىگى نەمەسە از قوزعالۋ.
ساراپشى بۇدان بولەك بىرنەشە ىقتيمال سەبەپتى اتادى:
-
انەميا. گەموگلوبين دەڭگەيىنىڭ تومەندەۋىنەن تىندەرگە جەتكىلىكتى وتتەگى جەتپەيدى، سونىڭ سالدارىنان اياق-قول توڭادى.
-
قان اينالىمىنىڭ بۇزىلۋى. اتەروسكلەروز سياقتى اۋرۋلاردا تامىرلار حولەستەرين تۇيىنشەكتەردىڭ سالدارىنان تارىلادى، سونىڭ ناتيجەسىندە قول مەن اياققا قان باياۋ جەتەدى.
-
قالقانشا بەزى قىزمەتىنىڭ تومەندەۋى. گيپوتيرەوز زات الماسۋدى باياۋلاتىپ، جالپى دەنە تەمپەراتۋراسىن تومەندەتەدى. كوبىنە مۇنداي جاعدايدا ادام تەز شارشايدى، تەرى قۇرعايدى جانە سالماق قوسادى.
-
قانت ديابەتى. ديابەتپەن اۋىراتىنداردىڭ اياق-قولى جۇيكە جۇيەسىنىڭ زاقىمدانۋىمەن (نەيروپاتيا) بايلانىستى توڭادى، ول قان اينالىمىنىڭ قالىپتى رەتتەلۋىن بۇزادى.
ەگەر بۇل ءجيى قايتالانسا، كارديولوگ دارىگەرگە قارالۋعا كەڭەس بەرەدى. بۇدان باسقا، جىلى كيىنىپ، ءۇيدى جىلى ۇستاپ جانە قان اينالىمىن جاقسارتۋعا ارنالعان جەڭىل جاتتىعۋلار جاساۋعا بولادى.