ءپاساپالىق دۇنيە
قوجاناسىر جايلى اڭگىمە، ءازىل-قالجىڭ جەتەرلىك. ءتىپتى ويىن-ساۋىققا قاتىستى قۇرىلعاندارى دا بار. بالا كەزىمنەن ەستىپ وسكەن قۋاقى قالجىڭى ەسىمە ءتۇسىپ وتىر.
ءبىر كۇنى بىرەۋلەر قوجاناسىردان سۇراپتى:
– قوجەكە، نەگە وسى ادامدار بىرىمەن-بىرى ارالاسىپ، ارلى-بەرلى جۇرەدى؟
قوجاناسىر سوندا:
– اينالايىن-اۋ، ءبارى ءبىر جاققا جۇرسە جەر توڭكەرىلىپ كەتەدى عوي، – دەپ جاۋاپ بەرگەن ەكەن.
بايقاساڭىز، ءاردايىم كوڭىل-كۇي تۇسكەندە ەسكە الساڭىز، عاجاپ ءبىر دەمەۋشى بولىپ، جادىراپ قالاسىز. بۇگىندەرى ويىما الىپ قويامىن. بىلگەنگە - مارجان دەمەكپىن.