قوعامدىق ساۋالناما جۇرگىزۋدى كوزدەگەن ۇيىمدار وسك ءوتىنىش بەردى

وسك ءوتىنىش قانداي ۇيىمداردان كەلىپ تۇسكەنىن ايتتى.

 الدا وتەتىن پرەزيدەنت سايلاۋىندا قوعامدىق ساۋالناما جۇرگىزەتىن ەكى ۇيىم ورتالىق سايلاۋ كوميسسياسىنا قۇجاتتارىن تاپسىردى، دەپ حابارلايدى Almaty-akshamy.kz.

«7 قازاندا ورتالىق سايلاۋ كوميسسياسىنا قوعامدىق ساۋالناما جۇرگىزۋ ءۇشىن «قوعامدىق پىكىر» زەرتتەۋ ينستيتۋتى («وبششەستۆەننوە منەنيە» زەرتتەۋ ينستيتۋتى) مەن AMANAT پارتياسىنىڭ «قوعامدىق ساياسات ينستيتۋتى» جەكە مەنشىك مەكەمەسىنەن ءوتىنىش ءتۇستى»، - دەلىنگەن ق ر وسك حابارلاماسىندا.

ورتالىق سايلاۋ كوميسسياسىنا جىبەرىلەتىن حابارلامادا ساۋالناما جۇرگىزۋگە قاتىساتىن جانە وسى سالادا جۇمىس تاجىريبەسى بار ماماندار تۋرالى، قوعامدىق پىكىرگە ساۋالناما جۇرگىزىلەتىن وڭىرلەر تۋرالى، قولدانىلاتىن تالداۋ ادىستەرى تۋرالى مالىمەتتەر كورسەتىلەدى.

سونداي-اق قوعامدىق پىكىرگە ساۋال جۇرگىزۋ ناتيجەلەرiن، سايلاۋ، سايلاۋعا بايلانىستى وزگە دە زەرتتەۋلەر، كانديداتتاردى نە ساياسي پارتيالاردى قولداپ داۋىس بەرۋ ناتيجەلەرiنiڭ بولجامدارىن داۋىس بەرiلەتىن كۇننىڭ الدىنداعى بەس كۇن ىشىندە جانە داۋىس بەرiلەتiن كۇنى ينتەرنەت جەلىسىندە جاريالاۋعا جول بەرىلمەيتىنى حابارلاندى.