بۇگىن جالپىۇلتتىق سوسيال-دەموكراتيالىق پارتياسىنان پرەزيدەنتتىككە كانديدات نۇرلان اۋەسبايەۆ ورتالىق سايلاۋ كوميسسياسىنا قۇجاتتارىن وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
نۇرلان اۋەسبايەۆ وسك-نىڭ كانديدات قۇجاتتارىن قابىلداۋ كوميسسياسىنا:
- جەكە كۋالىگىنىڭ كوشىرمەسىن؛
- رەسپۋبليكالىق قوعامدىق بىرلەستىكتىڭ جوعارى ورگانى وتىرىسىنىڭ ق ر پرەزيدەنتتىگىنە كانديداتتى ۇسىنۋ تۋرالى حاتتاماسىنان ءۇزىندى كوشىرمە مەن ءتۇپنۇسقاسىن؛
- ق ر پرەزيدەنتتىگىنە كانديداتتىڭ داۋىسقا تۇسۋگە كەلىسىمى تۋرالى ءوتىنىشىن؛
- ق ر پرەزيدەنتتىگىنە كانديداتتىڭ ءومىرباياندىق دەرەكتەرىن؛
- ق ر پرەزيدەنتتىگىنە كانديداتتىڭ ورتالىق سايلاۋ كوميسسياسىنىڭ شوتىنا سايلاۋ جارناسىن ەنگىزگەنىن كۋالاندىراتىن قۇجاتىن؛
- ديپلومدارىنىڭ كوشىرمەلەرىن؛
- مەملەكەتتىك قىزمەتتىگى نەمەسە سايلانبالى لاۋازىمداعى جۇمىس ءوتىلى تۋرالى مالىمەتتەرىن تاپسىردى.
«كوڭىل-كۇيىم وتە جاقسى. ارينە، قوبالجۋ بولدى. قۇجاتتارىمنىڭ ءبارىن قابىلداپ الدى. كانديدات رەتىندە تىركەلگەنىمدى نە تىركەلمەگەنىمدى ەكى كۇننىڭ ىشىندە حابارلايتىن بولدى. ازاماتتاردىڭ 118 مىڭنان كوپ جوعارى قولىن جيناي الامىن دەپ سەنەمىن. مەنى قولدايتىن حالىق، كۇشتى پارتيا بار. ەلىمىزدىڭ پاتريوتى رەتىندە پرەزيدەنتىمىزدى سىيلايمىن. ال دوداعا كىم جەڭىلەمىن دەپ تۇسەدى؟! جەڭۋىمىز كەرەك!» - دەدى نۇرلان اۋەسبايەۆ قۇجاتتارىن تاپسىرعاننان كەيىن ب ا ق وكىلدەرىنىڭ ساۋالىنا وراي.