الماتىدا وتكەن كەزدەسۋلەرگە ءبىرقاتار قوعام بەلسەندىلەرى مەن ساراپشىلار قاتىستى، دەپ حابارلايدى
كەزدەسۋگە قاتىسۋشىلار قاتارىندا ق ر ازاماتتىق اليانسىنىڭ پرەزيدەنتى بانۋ نۇرعازييەۆا، ق ر پرەزيدەنتى ءارحيۆىنىڭ جانىنداعى قوعامدىق كەڭەستىڭ ءتوراعاسى بوريس دجاپاروۆ، الماتى قالالىق ءماسليحاتىنىڭ دەپۋتاتتارى التىناي كوبەيەۆا مەن بەكبول رامازان، م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ، يادرولىق فيزيكا سالاسىنداعى قازاقستاندىق عالىم مەدەۋ ابىشيەۆ جانە باسقا دا ساياسي پارتيا وكىلدەرى بولدى.
العاشقى كەزدەسۋ الماتى قالاسىنىڭ قوعامدىق كەڭەسى مۇشەلەرىمەن ءوتتى. بۇل جيىندا اەس قۇرىلىسىن سالۋ سەكىلدى ماڭىزدى جوبالارعا قاتىستى شەشىم قابىلداۋ پروسەسىندە قوعامدىق قاتىسۋدىڭ ماڭىزى تالقىلاندى. قوعامنىڭ بەلسەندى قاتىسۋى «ادىلەتتى قازاقستان» قۇرۋدا شەشۋشى ءرول اتقاراتىنى ەرەكشە اتاپ ءوتىلدى.
سونداي-اق، يادرولىق فيزيكا ينستيتۋتىنىڭ قىزمەتكەرلەرىمەن كەزدەسۋ ۇيىمداستىرىلدى. بۇل كەزدەسۋدە اەس قاۋىپسىزدىگى ماسەلەلەرى باستى نازاردا بولدى. ينستيتۋت وكىلدەرى حالىقارالىق قاۋىپسىزدىك ستاندارتتارى مەن ىقتيمال اپاتتىق جاعدايلاردىڭ الدىن الۋ شارالارى تۋرالى باياندادى.