ۋران ەكسپورتى تاريحي ماكسيمۋمعا جەتتى
بيىلعى جىلدىڭ جەتى ايىندا قازاقستان ەكى ميلليارد دوللارعا ۋران ەكسپورتتادى، دەپ حابارلايدى ءبىرىنشى كرەديتتىك بيۋرو. بۇل وتكەن جىلدىڭ وسى كەزەڭىمەن سالىستىرعاندا 54 %-عا كوپ.
بۇل كورسەتكىش 2015 جىلدان باستاپ بايقالعان ەڭ جوعارى كورسەتكىش بولدى. ءوسىم نەگىزىنەن ۋران باعاسىنىڭ وسۋىنە بايلانىستى، ال فيزيكالىق ەكسپورت كولەمى ايتارلىقتاي وزگەرگەن جوق — 10،3 ميلليون كگ، بۇل وتكەن جىلمەن سالىستىرعاندا 1 %-عا ارتىق.
ەكسپورتتىڭ قارجىلىق جاعىنان ەڭ ۇلكەن بولىگى رەسەيگە كەتتى (46 %).
اناليتيكتەردىڭ ايتۋىنشا، «جىلدىق دەڭگەيدە جەتكىزىلىمدەردىڭ جالپى قۇنى 23 %-عا ءوستى، دەگەنمەن فيزيكالىق ەكسپورت شامامەن وسىنشا پايىزعا تومەندەدى. ءبىر كيلوگرامم ۋراننىڭ ورتاشا قۇنى 63 %-عا ءوستى».
ەگەر كيلوگرامممەن ەسەپتەسەك، وسى جىلى ۋراننىڭ نەگىزگى ساتىپ الۋشىسى جۇڭگو بولدى، ونىڭ ۇلەسى 44 %. جۇڭگو فيزيكالىق جاعىنان دا (+21 %) جانە قارجىلىق جاعىنان دا (+72 %) ساتىپ الۋدى ارتتىردى.