نەمەسە 30 تاۋلىككە قامالادى.
مۇنداي بۇزاقىلىققا سالىناتىن ايىپپۇل مولشەرى 69 مىڭ تەڭگە، دەپ حابارلايدى Almaty-akshamy.kz ىىم-نە سىلتەمە جاساپ.
ءىىم قازاقستاندا 2023 جىلدىڭ ناۋرىز ايىنان باستاپ قوعامدىق ورىندا بالاعات سوزدەر ايتقانى، قورلاعانى جانە عيماراتتاردى قورلاعانى ءۇشىن قۇقىق بۇزۋشىعا 69 مىڭ تەڭگە كولەمىندە ايىپپۇل سالىنۋى نەمەسە 30 تاۋلىككە دەيىن قاماۋعا الىنۋى مۇمكىن ەكەنىن ايتتى.
ق ر ىشكى ىستەر مينيسترلىگى اكىمشىلىك پوليسيا كوميتەتى باستىعىنىڭ ورىنباسارى ازامات كۇرىمبايەۆ 3 قاڭتاردا مەملەكەت باسشىسى قول قويعان تۇزەتۋلەر تۋرالى ايتتى. قۇجاتتا قىلمىستىق جانە قىلمىستىق ءىس جۇرگىزۋ كودەكستەرىنىڭ، سونداي-اق اكىمشىلىك قۇقىقبۇزۋشىلىق تۋرالى كودەكستىڭ (اقبك) ءبىرقاتار باپتارىنا وزگەرىستەر مەن تولىقتىرۋلار ەنگىزەدى. اتاپ ايتقاندا، اقبتك-نىڭ «ۇساق بۇزاقىلىق» 434-بابىمەن تولىقتىرىلدى.
«جاڭا رەداكسيادا قوعامدىق ورىنداردا دورەكى سوزدەر ايتۋ، جەكە تۇلعالاردى بالاعاتتاۋ جانە جابىرلەۋ، عيماراتتاردى، قۇرىلىستاردى، تۇرعىن ءۇي-جايلاردى، قوعامدىق ورىنداردى، كولىكتەگى جانە قوعامدىق ورىندارداعى مۇلىكتى قورلاۋ جانە باسقالارعا قۇرمەتسىزدىكتى بىلدىرەتىن وسىعان ۇقساس ارەكەتتەر جاسالاتىن بولسا، قوعامدىق ءتارتىپتى جانە جەكە تۇلعالاردىڭ تىنىشتىعىن بۇزاتىن ۇساق بۇزاقىلىق دەپ سانالادى. قازىرگى ۋاقىتتا ۇساق بۇزاقىلىق ءۇشىن سوت 5 اەك (17 250 تەڭگە) كولەمىندە ايىپپۇل سالۋ نەمەسە 15 تاۋلىككە دەيىن قاماۋعا الۋ تۇرىندە جازا تاعايىندايدى. جاڭا رەداكسيادا ايىپپۇل 20 اەك (69 000 تەڭگە)، قاماۋعا الۋ 5 كۇننەن 30 تاۋلىككە دەيىن ۇزاردى»، - دەدى ازامات كۇرىمبايەۆ.
ونىڭ ايتۋىنشا، تۇزەتۋلەر العاش رەسمي جاريالانعاننان كەيىن 60 كۇن وتكەن سوڭ، ياعني 2023 جىلدىڭ ناۋرىز ايىنىڭ باسىنان باستاپ كۇشىنە ەنەدى.