جەلىدە الماتىدا اۆتوبۋس ادامدى قاعىپ كەتكەن ءساتتىڭ ۆيدەوسى پايدا بولدى.
وسى وقيعاعا قاتىستى قالالىق پوليسيا دەپارتامەنتىنىڭ باسپا ءسوز قىزمەتى وكىلدەرى تۇسىنىك بەردى، دەپ حابارلايدى aqshamnews.kz. وقيعا ورنىنداعى بەينەباقىلاي كامەراسىنا ءتۇسىپ قالعان ۆيدەو Telegram-داعى Kozachkov offside ارناسىندا جاريالاندى. ۆيدەونىڭ استىنداعى جازبادا كەشە الماتىداعى سەيفۋللين داڭعىلىندا اۆتوبۋس ادامدى قاعىپ كەتكەنى جازىلعان.
"انىقتاۋ باسقارماسىندا ولىمگە اكەپ سوققان جول-كولىك وقيعاسى فاكتىسى بويىنشا قىلمىستىق ءىس تەرگەلىپ جاتىر. ءتيىستى ساراپتامالار تاعايىندالدى، سونىڭ قورىتىندىسى بويىنشا قىلمىستىق ءىس بويىنشا پروسەسسۋالدىق شەشىم قابىلدانادى. باسقا ءمان-جايلار انىقتالىپ جاتىر"، - دەپ حابارلادى الماتى پوليسيا دەپارتامەنتىنىڭ باسپا ءسوز قىزمەتى.