الماتىلىقتار جولداۋعا قاتىستى وي-پىكىرلەرىن، ۇسىنىستارىن ورتاعا سالدى.
الماتى قالاسىنىڭ قوعامدىق كەڭەس مۇشەلەرى ونلاين كونفەرەنسيا وتكىزدى.
جيىن پرەزيدەنت قاسىم-جومارت توقايەۆتىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋىن تالقىلاۋ اياسىندا ۇيىمداستىرىلدى.
ولاردىڭ ءارقايسىسى ءوز سالالارى بويىنشا جولداۋدا ايتىلعان ماسەلەلەردى شەشۋ جولدارىن ۇسىندى. ماسەلەن، «جاڭا عاسىر» الەۋمەتتىك كۇردەلى اۋرۋلاردىڭ الدىن الۋعا ارنالعان اسسوسياسيا باسشىسى نۇرجان باۋىرجان ۇلى جاستار اراسىندا ناشاقورلىقتىڭ اسقىنىپ تۇرعانىن، وسى ماسەلەنى شەشۋ ءۇشىن ناقتى شارالار قولدانۋ قاجەتتىگىن العا تارتتى.
«قازاقستانداعى داعدارىس ورتالىقتارى وداعىنىڭ» ءتوراعاسى زۋلفيا بايساكوۆا دا ءوز پىكىرىن ءبىلدىردى. ول جولداۋدا ايتىلعانداي، بالا كۇتىمىمەن ۇيدە وتىرعان ايەلدەرگە تولەنەتىن جاردەماقى 1 جىلدان 1،5 جىلعا دەيىن ۇزارتۋدىڭ ەكىنشى جاعى دا بار ەكەنىن ايتتى. «ايەلدەر ۇيدە ۇزاعىراق وتىرعان سايىن، وتباسىلىق زورلىق-زومبىلىققا ۇشىراۋى مۇمكىن، بۇل جاعىن دا ويلاۋ كەرەك» - دەدى ول.
الماتى قالاسى قوعامدىق كەڭەسىنىڭ ءتوراعاسى التىناي كوبەيەۆا سپيكەرلەردى مۇقيات تىڭداپ، ءار ايتىلعان ۇسىنىستىڭ حاتتاماعا ەنگىزىلەتىنىن ايتتى.