قوعام جانە مەملەكەت قايراتكەرى كەڭەس اۋحادييەۆ قايتىس بولدى. قارالى حابار تۋرالى جۋرناليست، جازۋشى سەرىك ۇمبەتوۆ جازدى، دەپ حابارلايدى Almaty-akshamy.kz.
اۋحادييەۆ كەڭەس مۇستاحان ۇلى كەربۇلاق اۋدانى سارىوزەك ستانسياسى 1938 جىلى تۋعان. قوعام جانە مەملەكەت كايراتكەرى.
1957 جىلى سارىوزەك ورتا مەكتەبىن بىتىرگەن سوڭ تالدىقورعان اۋىل شارۋاشلىعى تەحنيكۋمىندا، قازاق اۋىل شارۋاشلىعى ينستيتۋتىندا وقىعان.
1960 جىلى پانفيلوۆ اۋدانى لەنين كولحوزىندا تراكتور-ەگىس بريگاداسىنىڭ جەتەكشىسى رەتىندە ەڭبەك جولىن باستادى.
1962 جىلى پانفيلوۆ اۋدانى كومسومول كوميتەتىنىڭ 1-حاتشىلىعىنا سايلاندى. 1966-1975 جىلدارى ارالىعىندا قازاقستاننىڭ لكجو اپپاراتىندا، الماتى وبلىسىس كومسومول كوميتەتىندە، ت.ب. رەسپۋبليكالىق جاستار ۇيىمدارىندا لاۋازىمدى قىزمەتتەر اتقاردى. 1971-1975 جىلدارى سوۆەت اۋدانى پارتيا كوميتەتىن (الماتى قالاسى)، الماتى كالالىق اتقارۋ كوميتەتىن باسقاردى.
كەيىن الماتى وبلىستىق پارتيا كوميتەتىنىڭ 1-حاتشىسى (1978-85) بولدى. 1985 جىلدان رەسپۋبليكالىق "گلاۆريسسوۆحوزستروي" جۇيەسىندە جۇمىس ىستەدى. 1975-78 جىلدارى قازاقستان كپ وبلىستىق كوميتەتىندە 1-حاتشى، 1985 جىلدان سۋ شارۋاشىلىعى مينيسترلىگىندە جۇمىس ىستەگەن.
«قۇرمەت بەلگىسى» وردەنىمەن ماراپاتتالعان.