2019 جىلدىڭ 1 ناۋرىزى مەن 2023 جىلدىڭ 17 ناۋرىزى ارالىعىندا استانا قالاسى مەن اقمولا وبلىسىنىڭ اۋماعىندا "Qnet" حالىقارالىق كومپانياسى ونىمدەرىنىڭ ينتەرنەت ساۋداسى مۇقاباسىمەن ج. قارجى پيراميداسى ۇيىمداستىرىلدى، دەپ حابارلايدى اlmaty-akshamy.kz استانا قالالىق سوتىنىڭ رەسمي سايتىنا سىلتەمە جاساپ.
"ج. قارجى (ينۆەستيسيالىق) پيراميداسىن قۇردى جانە باسقاردى (قك 217-بابى 3-بولىگىنىڭ 2) تارماعى)، سونداي-اق قىلمىستىق جولمەن الىنعان اقشا مەن وزگە دە مۇلىكتى زاڭداستىردى (جىلىستاتتى) دەپ ايىپتالدى (قك 218-بابىنىڭ 1-بولىگى)"، - دەلىنگەن قالالىق سوتتىڭ مالىمەتىندە.
ءارى قاراي، ول تاۋاردى زاڭدى تۇردە ساتىپ الۋ ماقساتىندا جابىرلەنۋشىلەرگە پسيحولوگيالىق قىسىم كورسەتە وتىرىپ، ەكىنشى دەڭگەيدەگى بانكتەردەن، سونىڭ ىشىندە تاۋارلىق نەسيەلەر الۋعا ماجبۇرلەپ، ولاردىڭ اقشالارىن زاڭسىز تارتقان.
سونىڭ ىشىندە ستەپنوگورسك، ششۋچينسك، اتباسار، كوكشەتاۋ قالالارىندا جانە اقمولا وبلىسىنىڭ شورتاندى كەنتىندە قارجى پيراميداسىن قۇرىپ، ولاردى باسقارعان جانە ونىڭ وكىلدەرى بولعان. بۇل رەتتە، قازاقستان ازاماتتارىنا ءتيىمدى اقشالاي سالىمدار تۋرالى ايتىپ، ولاردى جاپپاي تارتقان.
شىندىعىندا، تولەمدەر باسقالاردى تارتۋ ەسەبىنەن جۇرگىزىلدى جانە تولەمدەر مولشەرى سالىنعان قاراجات سوماسىنىڭ تەك 10-15%-ىن عانا قۇرادى. ءارى قاراي "QNET"-كە ادامداردى تۇراقتى تارتۋدىڭ بولماۋىنا بايلانىستى تولەمدەر تۇسپەگەن.
وسىلايشا، تومەندە تۇرعان ادامدار تۇراقتى نەگىزدە تولەمدەر الماعان، نەمەسە جاڭا تۇلعالاردى تارتۋ ارقىلى ازداپ قانا بايىتىلعان. ال ول ءتىپتى بانك مەكەمەلەرىندە پايىزبەن الىنعان ينۆەستيسيالانعان جەكە قاراجاتتى دا وتەمەگەن.
ونىڭ قىزمەتىنىڭ ناتيجەسى بويىنشا، 136 جابىرلەنۋشىگە 145 ميلليون تەڭگەدەن استام مولشەردە مۇلىكتىك زالال كەلتىرىلدى.
وسى تۇرعىدا، سوتتالۋشىنىڭ كىناسى جابىرلەنۋشىلەردىڭ، كۋاگەرلەردىڭ ايعاقتارىمەن، ساراپتامالاردىڭ قورىتىندىلارىمەن جانە قىلمىستىق ءىستىڭ باسقا دا ماتەريالدارىمەن دالەلدەندى.