ءپىتىر ساداقانىڭ مولشەرى ەلىمىز بويىنشا 2 كەلى ۇننىڭ ورتاشا باعاسىمەن ەسەپتەلەدى.
ەلوردادا باس ءمۇفتي ناۋرىزباي قاجى تاعان ۇلىنىڭ توراعالىعىمەن وتكەن قازاقستان مۇسىلماندارى ءدىني باسقارماسىنىڭ ءتورالقا ماجىلىسىندە بيىلعى ءپىتىر ساداقاسىنىڭ مولشەرى انىقتالدى، دەپ حابارلايدى Almaty-akshamy.kz قمدب سايتىنا سىلتەمە جاساپ.
بيىل ءپىتىر مولشەرى 500 تەڭگە بولىپ بەلگىلەندى. ءپىتىر ساداقانىڭ مولشەرى ەلىمىز بويىنشا 2 كەلى ۇننىڭ ورتاشا باعاسىمەن ەسەپتەلدى. ال ۇننىڭ باعاسى قمدب-نىڭ قالا جانە وبلىس وكىلدىكتەرىنىڭ بەرگەن مالىمەتى نەگىزىندە انىقتالدى.
ءتورالقا ماجىلىسىندە نايب ءمۇفتي، شاريعات جانە ءپاتۋا ءبولىمىنىڭ مەڭگەرۋشىسى سانسىزباي قۇربان ۇلى ءپىتىر مولشەرى رەسپۋبليكا بويىنشا 2 كەلى ۇننىڭ نارىقتاعى ورتاشا باعاسى نەگىزىندە بەكىتىلگەنىن قاپەرگە سالدى.