18 ناۋرىزدا تبيليسي قالاسىندا قازاقستان رەسپۋبليكاسى ءىىم م. ەسبولاتوۆ اتىنداعى الماتى اكادەمياسى مەن گرۋزيا ءىىم اكادەمياسى اراسىندا عىلىمي جانە ءبىلىم بەرۋ قىزمەتى سالاسىندا ءوزارا تۇسىنىستىك جانە ىنتىماقتاستىق تۋرالى مەموراندۋمعا قول قويىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
مەموراندۋمدا قۇقىق قورعاۋ قىزمەتىنىڭ وزەكتى ماسەلەلەرى بويىنشا بىرلەسكەن عىلىمي زەرتتەۋلەر مەن حالىقارالىق كونفەرەنسيالار وتكىزۋ، سەمينارلار مەن باسقا دا ءىس-شارالاردى، تاجىريبە الماسۋدى، بىرلەسكەن ءبىلىم بەرۋ باعدارلامالارىن جۇزەگە اسىراتىن ىنتىماقتاستىقتىڭ نىساندارى مەن شارتتارى تۋرالى ەرەجەلەر قامتىلدى.
مەموراندۋم بۇۇ-نىڭ ەسىرتكى جانە قىلمىس جونىندەگى باسقارماسىمەن بىرلەسىپ جۇزەگە اسىرىلاتىن “قازاقستان رەسپۋبليكاسىنىڭ ىشكى ىستەر ورگاندارىن رەفورمالاۋعا جاردەمدەسۋ” جوباسىنىڭ اياسىندا قازاقستان رەسپۋبليكاسى ىشكى ىستەر مينيسترلىگى دەلەگاسياسىنىڭ گرۋزياعا ساپارى بارىسىندا جاسالدى. اتالعان مەموراندۋم تاراپتارعا پوليسيا كادرلارىن دايارلاۋ، قايتا دايارلاۋ جانە ولاردىڭ بىلىكتىلىگىن ارتتىرۋداعى ىنتىماقتاستىقتى جانداندىرۋعا مۇمكىندىك بەرەدى.