قازاقستان مۇسىلماندارى ءدىني باسقارماسى 2023 جىلعى ءدىني كۇندەر كەستەسىن بەكىتتى، دەپ حابارلايدى Almaty-akshamy.kz.
«حيجري ايلارىنىڭ باستالۋى حالىقارالىق استرونوميالىق زەرتتەۋ ورتالىقتارىنىڭ مالىمەتتەرى نەگىزىندە جاسالدى. ءپاتۋا ماماندارى ءدىني مەرەكەلەردىڭ ناقتى كۇندەرى جاڭا ايدىڭ كورىنۋىنە بايلانىستى كورسەتىلگەن ۋاقىتتان ءبىر كۇن شەگەرىلۋى نەمەسە العا جىلجۋى مۇمكىن ەكەنىن ەسكەرتەدى»، - دەلىنگەن قمدب سايتىندا.
ءدىني كۇنتىزبەگە سايكەس، 2023 جىلى قاسيەتتى رامازان ايى 23 ناۋرىزدا باستالادى. ءساۋىردىڭ 17-سىنەن 18-ىنە قاراعان ءتۇنى – ءقادىر ءتۇنى، 21 ساۋىردە – ورازا ايت.
قۇربان ايتتىڭ ءبىرىنشى كۇنى 28 ماۋسىمعا ءتۇسىپ تۇر. ايتا كەتەيىك، ءۇش كۇندىك مەرەكەنىڭ العاشقى كۇنى ەلىمىزدە دەمالىس سانالادى.
