بۇل تۋرالى قازاقستان مۇسىلماندارى ءدىني باسقارماسىنىڭ ءتوراعاسى ناۋرىزباي قاجى تاعان ۇلى باعدارلىق بايانداماسىندا مالىمدەدى، دەپ حابارلايدى Almaty-akshamy.kz ءمۇفتياتتىڭ سايتىنا سىلتەمە جاساپ.
«2024 جىلى ءبىرقاتار اۋقىمدى ءىس-شارالاردى اتقارۋدى جوسپارلاپ وتىرمىز. ەلىمىز بيىل بىرنەشە بەدەلدى حالىقارالىق ۇيىمعا، اتاپ ايتقاندا، تۇركى مەملەكەتتەرى ۇيىمىنا، ازىق-تۇلىك قاۋىپسىزدىگى جونىندەگى يسلام ۇيىمىنا ءتوراعالىق ەتەدى.
وسى رەتتە قازاقستان مۇسىلماندارى ءدىني باسقارماسى دا ءوزىمىز باستاماشىل بولعان تۇركىتىلدەس مەملەكەتتەردىڭ مۇفتيلەر القاسىنا ءتوراعالىق ەتەتىنىن ەرەكشە اتاپ وتكىم كەلەدى.
تۇركى مەملەكەتتەرى ۇيىمىنا قاراستى باۋىرلاس ەلدەردىڭ مۇفتيلەر القاسىنا ءتوراعالىق ەتۋ مارتەبەسىنىڭ قازاقستان مۇسىلماندارى ءدىني باسقارماسىنا بەرىلۋى – ءسىز بەن بىزگە ۇلكەن جاۋاپكەرشىلىك جۇكتەيدى»، - دەدى باس ءمۇفتي.