شىعىس قازاقستان وبلىسىندا 4 اۋىل ىشىمدىك ونىمدەرىنەن باس تارتقان، – دەپ حابارلايدى Polisia.kz.
شقو-دا 2023 جىلى ۋاقىتشا بەيىمدەۋ جانە دەتوكسيكاسيا ورتالىعىنا 5 مىڭنان استام ادام ورنالاستىرىلدى، سونداي-اق الكوگولگە تاۋەلدى 370-كە جۋىق ادام مەپم-عا جىبەرىلدى.
وڭالتۋ كۋرسىنان وتكەننەن كەيىن ۋچاسكەلىك ينسپەكتورلار اۋلالاردى ارالاعان كەزدە اتالعان ادامداردى تۇراقتى تۇردە تەكسەرەدى جانە ولاردىڭ قىلمىسكەرلەردىڭ ارباۋىنا ءتۇسىپ قالماۋىن جانە وزدەرى بۇزۋشىلىقتار جاساماۋىن قاداعالايدى. سونىمەن قاتار پوليسەيلەر زاڭسىز الكوگول ءونىمىن تاركىلەۋ جۇمىستارىن جۇزەگە اسىرادى.
وتكەن جىلى وبلىستا 16،5 توننا سۋرروگات ءسپيرتى تاركىلەنگەن، 205 ادام ولاردى ساتۋ سالاسىنداعى بۇزۋشىلىقتار ءۇشىن اكىمشىلىك جاۋاپكەرشىلىككە تارتىلعان. ايتا كەتەر بولساق، پوليسيا، جەرگىلىكتى اتقارۋشى ورگاندار، قوعامدىق كەڭەستەر جۇرگىزىپ جاتقان شارالار ءقازىردىڭ وزىندە وڭ ناتيجە بەرىپ كەلەدى.
وبلىسىمىزداعى ءتورت اۋىلدىڭ تۇرعىندارى: كاتونقاراعاي اۋدانىنداعى كوكباستاۋ، كۇرشىم اۋدانىنداعى تەرەكتىبۇلاق، ۇلان اۋدانىنىڭ جانۇزاق جانە تارباعاتاي اۋدانىنىڭ بايتوعاس اۋىلدارى ىشىمدىك ىشۋدەن باس تارتتى، بۇل وسى اۋىلدارداعى قىلمىستىق احۋالعا وڭ اسەر ەتكەن، وندا قازىرگى ۋاقىتتا بىردە-بىر قۇقىق بۇزۋشىلىق تىركەلمەگەن.
بۇل باسقا ەلدى مەكەندەردىڭ تۇرعىندارىنا دا جاقسى ۇلگى بولماق.