قارجى مونيتورينگى اگەنتتىگى جالعان ستوماتولوگيالىق كلينيكالاردىڭ يەلەرىن ىزدەستىرىپ جاتىر، - دەپ حابارلايدى اqshamnews.kz ءتىلشىسى.
اگەنتتىك مالىمەتىنشە، مىنا ادامدار ىزدەستىرىلىپ جاتىر:
- دۇيسەنوۆ اسلان قامبار ۇلى، 01.04.1992 ج.ت.
- يمانبايەۆ گابباس، 18.05.1998 ج.ت.
- ەلەشيەۆ ەسىمحان باياندييەۆيچ، 11.09.1987 ج.ت.
ولار 46 ملرد تەڭگەدەن اسا قاراجاتتى بجزق-دان زاڭسىز شىعارۋ ماقساتىندا قىلمىستىق سحەمالار ۇيىمداستىردى دەگەن كۇدىككە ىلىنگەن. بۇل ماقساتتا ولار ءتىس ەمدەۋ قىزمەتى كورسەتىلگەندەي جالعان مەديسينالىق قۇجاتتار راسىمدەگەن. ولار ماڭعىستاۋ جانە اتىراۋ وبلىستارىنداعى 7 ستوماتولوگيالىق كلينيكانى پايدالانعان. بۇل مەكەمەلەر ءىس جۇزىندە ەشقانداي مەديسينالىق قىزمەت كورسەتپەگەن.
ولارعا قاتىستى بۇلتارتپاۋ شاراسى رەتىندە قاماۋعا الۋ قولدانىلعان.
"ايىپتالۋشىلاردىڭ ءبىرى، ياعني دۇيسەنوۆ ا.ق. بۇرىن پوليسيا قىزمەتكەرى بولعان، الايدا تەرىس سەبەپتەر بويىنشا جۇمىستان شىعارىلعان. 2016 جىلى ول قىلمىستىق كودەكستىڭ 105-بابى ("وز-وزىنە قول جۇمساۋعا دەيىن جەتكىزۋ") جانە 362-بابى ("قىزمەتتىك وكىلەتتىكتەرىن اسىرا پايدالانۋ") بويىنشا اۋىر قىلمىس جاساعانى ءۇشىن 5 جىلعا باس بوستاندىعىنان ايىرىلعان"، - دەدى قما وكىلى.
قارجى مونيتورينگى اگەنتتىگى قانداي دا ءبىر اقپارات بىلەتىندەردەن مىنا ءنومىر بويىنشا حابارلاۋدى سۇرادى: +7 (7172) 70 84 78 - كەزەكشى ءبولىم.