سي سزينپين قازاق مەملەكەتىنىڭ تاۋەلسىزدىگىنىڭ 30 جىلدىعىمەن قۇتتىقتادى
قحر ءتوراعاسى سي سزينپين ءوزىنىڭ قۇتتىقتاۋىندا تاۋەلسىزدىكتىڭ 30 جىلى ىشىندە قازاقستان مەملەكەتتىڭ مۇلدە جاڭا كەلبەتىن قالىپتاستىرعانىن، الەمدەگى وزىق دامىعان 30 ەلدىڭ قاتارىنا كىرۋ ءۇشىن نىق قادام باسىپ كەلە جاتقانىن جازعان، دەپ حابارلايدى Almaty-akshamy.kz اkorda.kz-كە سىلتەمە جاساپ
– مەن قىتاي-قازاقستان قارىم-قاتىناستارىنىڭ دامۋىنا ەرەكشە ءمان بەرەمىن. سىزبەن بىرگە جۇڭگو مەن قازاقستان اراسىنداعى ءداستۇرلى دوستىقتى نىعايتۋعا، ەكى ەلدىڭ ستراتەگيالارىن ۇشتاستىرۋعا، ماڭگى جان-جاقتى ستراتەگيالىق ارىپتەستىك قاتىناستاردى ەكى مەملەكەتتىڭ جانە ولاردىڭ حالىقتارىنىڭ يگىلىگى ءۇشىن جاڭا دەڭگەيگە كوتەرۋگە دايىنمىن، – دەلىنگەن جەدەلحاتتا.