استانا قالاسىندا ايەلىن اسا قاتىگەزدىكپەن قيناپ ءولتىردى دەپ ايىپ تاعىلعان قۋاندىق بيشىمبايەۆقا قاتىستى سوت وتىرىسى ءوتتى.
قوعامدىق رەزونانس تۋدىرعان قايعىلى جاعدايعا قاتىستى سوت وتىرىسى جوعارعى سوتتىڭ رەسمي الەۋمەتتىك جەلىلەرىندە تىكەلەي ەفيردەن كوردى، دەپ حابارلايدى Almaty-akshamy.kz.
ايىپتالۋشىدان جاۋاپ الۋ كەزىندە س.نۇكەنوۆانىڭ اناسى كوزىنە جاس الىپ: «سەن ونى سەگىز ساعات بويى ءولتىردىڭ. وتكەنىڭدى ايتىپ بەرەيىن بە؟ قىزىمدى قالاي ولتىرگەنىڭدى...»، دەدى سوتقا قاتىسۋشى سوتتالۋشىعا.
جاۋاپ بەرۋدى جالعاستىرعان ق.بيشىمبايەۆ:
«مەن تاعى دا قايتالاپ ايتامىن. ءسىز مەنى جەك كورسەڭىز دە. مەنى قارعاساڭىز دا بولادى. جاراتۋشىنىڭ الدىندا تاعى دا قايتالاپ ايتامىن، سىزدەردىڭ ءبارىڭىزدىڭ الدارىڭىزدا دا جاۋاپ بەرۋگە دايىنمىن. مەن ايەلىم سالتاناتتى قاساقانا نەمەسە سانالى، جوسپارلى تۇردە جاسالعان ەرەكشە قاتىگەزدىكپەن ءولتىرۋ فاكتىسىن مويىندامايمىن. مەن سالتاناتتى ءسۇيدىم»، - دەپ جاۋاپ بەردى.