العان سوققىدان جاس سپورتشى قانات احۋنوۆ تىلگە كەلمەدى.
اقتاۋ قالاسىندا ءوتىپ جاتقان مما چەمپيوناتىندا 17 جاسار ءجاسوسپىرىم قايتىس بولدى، دەپ حابارلايدى اlmaty-akshamy.kz.
بوز كىلەم ۇستىندە ب ا ق سىناسىپ جاتقانى تۇسىرىلگەن بەينەجازبالار الەۋمەتتىك جەلىدە تارادى. ۆيدەودان قارسىلاسىن ىشىنەن تەپكەن كەزى، سوققىدان ءجاسوسپىرىمنىڭ قۇلاعان ءساتىن كورۋگە بولادى.
اقتاۋ قالالىق پوليسيا باسقارماسىنىڭ باسپا ءسوز قىزمەتى جەلىدە تاراعان بەينەجازباعا قاتىستى تۇسىنىكتەمە بەردى. ۆەدومستۆو وقيعاعا قاتىستى سوت مەديسينالىق ساراپتاما تاعايىندالعانىن حابارلادى.
"ەكىنشى راۋندتاعى جەكپە-جەك كەزىندە احۋنوۆ ىشىنە تيگەن سوققىدان قازا تاپتى. سوت مەديسينالىق ساراپتاما تاعايىندالدى"، - دەپ حابارلادى اقتاۋ قالالىق پوليسيا باسقارماسىنىڭ باسپا ءسوز قىزمەتى.
سپورت كەشەنىنىڭ مەديسينا قىزمەتكەرلەرى جاس جىگىتكە كومەكتەسۋگە تىرىسقان. الايدا، سپورتشىنى قۇتقارۋ مۇمكىن بولمادى.