جاڭا ءتوراعا
ق ر قارجى ءمينيسترىنىڭ بۇيرىعىمەن راحات كەلدىباي ۇلى توقبايەۆ ق ر قارجى مينيسترلىگىنىڭ قازىناشىلىق كوميتەتىنىڭ ءتوراعاسى قىزمەتىنە تاعايىندالدى، دەپ حابارلايدى Almaty-akshamy.kz
بۇل تۋرالى ق ر پرەمەر-مينيسترىنىڭ باسپا ءسوز قىزمەتى حابارلايدى.
راحات توقبايەۆ 1965 جىلى اقمولا وبلىسىندا دۇنيەگە كەلگەن. الماتى حالىق شارۋاشىلىعى ينستيتۋتىن، «تۇران» ۋنيۆەرسيتەتىن بىتىرگەن.
ەڭبەك جولى:
– 1982 جىلى اتباسار جوندەۋ-مەحانيكالىق زاۋىتىندا تەمىر ۇستاسىنىڭ شاكىرتى بولىپ باستادى.
– 1985 جىلدان 1998 جىلعا دەيىن قارجى-نەسيە مەكەمەلەرىندە جۇمىس ىستەدى.
– 1998-2001 جىلدارى – استانا قالاسى بويىنشا قازىناشىلىق باسقارماسىنىڭ ۆاليۋتالىق وپەراسيالار ءبولىمىنىڭ باسشىسى.
– 2001-2006 جىلدارى – استانا قالاسى بويىنشا قازىناشىلىق دەپارتامەنتى باسشىسىنىڭ ورىنباسارى، قارجى دەپارتامەنتى باسشىسىنىڭ ورىنباسارى.
– 2007-2013 جىلدارى – استانا قالاسى بويىنشا قازىناشىلىق دەپارتامەنتىنىڭ باسشىسى.
– 2013-2021 جىلدارى – ق ر قارجى مينيسترلىگىنىڭ قازىناشىلىق كوميتەتىنىڭ قازىناشىلىق دەپارتامەنتىنىڭ باسشىسى.
– 2021 جىلعى مامىردان باستاپ قازىرگى ۋاقىتقا دەيىن ق ر قارجى مينيسترلىگىنىڭ قازىناشىلىق كوميتەتى ءتوراعاسىنىڭ ورىنباسارى قىزمەتىن اتقاردى.