قازىناعا قايتارىلعان قاراجاتقا ۇلىتاۋ وبلىسىندا مەكتەپ سالىنادى

ۇلىتاۋ وبلىسىنىڭ قاراجال قالاسىندا قايتارىلعان 1،4 ملرد تەڭگەگە 80 ورىندىق مەكتەپ سالىنادى، دەپ حابارلايدى aqshamnews.kz

جاڭا ءبىلىم وشاعى «ۆوكزال» شاعىن اۋدانىندا بوي كوتەرەدى. بۇل اۋداندا مەكتەپ تاپشى بولعاندىقتان، وقۋشىلار قالانىڭ باسقا اۋداندارىنداعى مەكتەپتەرگە قاتىناپ وقۋعا ءماجبۇر. جاڭا مەكتەپ ورىن تاپشىلىعىن ازايتىپ، ءبىلىم ساپاسىن جاقسارتۋعا ىقپال ەتەدى. جالپى، ارناۋلى مەملەكەتتىك قوردان 56،6 ملرد تەڭگە الەۋمەتتىك نىساندار سالۋعا بولىنگەن.

بۇل قاراجاتقا: اتىراۋ، جەتىسۋ، تۇركىستان وبلىستارىندا – مەكتەپتەر،

اقمولا وبلىسىندا – سپورت كەشەنى،

ريددەردە – كوپسالالى اۋرۋحانا،

شىمكەنتتە – جاتاقحانا،

اقتوبە مەن پەتروپاۆلدا – بالاباقشالار سالىنادى.

سونىمەن قاتار زاڭسىز شىعارىلعان اكتيۆتەر ەسەبىنەن الماتىدا ەرەكشە قاجەتتىلىكتەرى بار ادامدارعا ارنالعان جاتتىعۋ ورتالىعى، ارقالىقتا دارىندى سپورتشىلارعا ارنالعان كەشەن، استانادا تىرەك-قيمىل اپپاراتى بۇزىلعان بالالارعا ارنالعان وڭالتۋ ورتالىعى بوي كوتەرەدى. 2024 جىلى مەملەكەتكە قايتارىلعان اكتيۆتەر كولەمى 300 ملرد تەڭگەگە جەتكەن.

ونىڭ ىشىندە: اۋستريادان – 36،8 ملرد،

ليحتەنشتەيننەن – 116،7 ملرد،

باا-دەن – 6،3 ملرد،

تۇركيادان – 6،5 ملرد تەڭگە قايتارىلعان.