ق ر پرەمەر-مينيسترىنىڭ ورىنباسارى تامارا دۇيسەنوۆانىڭ توراعالىعىمەن وتكەن كەڭەستە وتاندىق دارى-دارمەك جانە ۆاكسينامەن قامتۋ ماسەلەلەرى تالقىلاندى.
جيىنعا دەنساۋلىق ساقتاۋ، اۋىل شارۋاشىلىعى مينيسترلىكتەرىنىڭ، «QazBioPharm» ۇلتتىق حولدينگىنىڭ وكىلدەرى قاتىستى. بيىل دەنساۋلىق ساقتاۋ مينيسترلىگى QazVac ۆاكسيناسىنىڭ 50 مىڭ دوزاسىنا تاپسىرىس بەرۋدى كوزدەپ وتىر.
«QazBioPharm» ۆەتەرينارلىق باعىتتاعى پرەپاراتتاردى دا شىعارادى. ونى ءوندىرۋ كولەمى ارتپاق – اۋىل شارۋاشىلىعى مينيسترلىگى ۇلتتىق حولدينگتەن ۆەتەرينارلىق دارى-دارمەكتەر مەن دياگنوستيكۋمداردىڭ 25،8 ملن دوزاسىن الۋدى جوسپارلاپ وتىر.
ءوز كەزەگىندە «QazBioPharm» باسشىسى ەرعالي ءابدىرايىموۆ مەملەكەتتىك ورگاندارمەن اتالعان ءونىمدى وندىرۋگە جانە جەتكىزۋگە ۇزاقمەرزىمدى كەلىسىم-شارتتاردى بەكىتۋگە نيەت ءبىلدىردى. اتالعان ماسەلە ءتيىستى مەملەكەتتىك ورگاندارمەن بىرلەسە قاراستىرىلاتىن بولادى.
«وتاندىق ءوندىرۋشىنى قولداۋ شارالارىنىڭ ماڭىزى زور. الايدا، بۇل رەتتە ۇسىنىلاتىن پرەپاراتتار ساپاسىنا باسا ءمان بەرىلگەنى ءجون. ول ءۇشىن «QazBioPharm» ۇلتتىق حولدينگى باسشىلىعى تىكەلەي جاۋاپتى. دارى-دارمەكتەردى ءوندىرۋ جانە جەتكىزۋ مەرزىمى بويىنشا بەكىتىلگەن كەستەنى قاتاڭ ساقتاۋ قاجەت»، — دەپ اتاپ ءوتتى تامارا دۇيسەنوۆا.