ەربولات دوسايەۆ لاي كوشكىنى سالدارىنان قازا تاپقانداردىڭ تۋىستارى مەن جاقىندارىنا كوڭىل ايتتى جانە ولاردى جەرلەۋدى ۇيىمداستىرۋعا كومەك كورسەتۋدى تاپسىردى، دەپ حابارلايدى almaty-akshamy.kz
تەحنوگەندىك سيپاتتاعى لاي كوشكىنى سالدارىنان قيراعان ءۇي استىنان1984 جىلعى ەر ادامنىڭ، 1980 جىلعى ايەلدىڭ جانە 2007 جىلعى ەگىز جاسوسپىرىمدەردىڭ دەنەلەرى تابىلدى.
«قۇتقارۋ قىزمەتى مەدەۋ اۋدانىنداعى قيراعان ۇيدە تۇرعان وتباسى مۇشەلەرىن ىزدەۋدى اياقتادى. قايعىلى وقيعا 4 ادامنىڭ ءومىرىن قيدى. مەن قازا بولعانداردىڭ تۋىستارى مەن جاقىندارىنىڭ قايعىسىنا ورتاقپىن. ولارعا قاتتى قايعىرىپ، كوڭىل ايتامىن»، - دەدى ەربولات دوسايەۆ.
الماتى اكىمىنىڭ تاپسىرماسى بويىنشا وتباسىنىڭ بارلىق مۇشەلەرىن جەرلەۋدى ۇيىمداستىرۋ ءۇشىن كومەك كورسەتىلەدى. ستۋدەنت بولىپ تابىلاتىن جانە قازىرگى ۋاقىتتا ەلدەن تىس جەردە وقيتىن قازا بولعان وتباسىنىڭ ۇلكەن ۇلىنا ءبىلىم الۋعا جانە ەلىمىزگە كەلگەن سوڭ ءومىر سۇرۋىنە ماتەريالدىق قولداۋ كورسەتىلەتىن بولادى.