قۇرىلىسىنا 9 ملرد تەڭگە بولىنگەن وتاندىق ۆاكسينا شىعاراتىن زاۋىت 2021 جىلى شىلدە ايىندا ىسكە قوسىلدى.
ول تۋرالى دەنساۋلىق ساقتاۋ ۆيسە-مينيسترى ايجان ەسماعامبەتوۆا ايتتى، دەپ حابارلايدى Almaty-akshamy.kz
ۆيسە-مينيستر دۇنيەجۇزىلىك دەنساۋلىق ساقتاۋ ۇيىمى كوروناۆيرۋسقا قارسى QazVac ۆاكسيناسىنا نە سەبەپتى كۋالىك بەرمەگەنىن ءتۇسىندىردى.
ددسۇ-نىڭ ءتارتىبى بويىنشا ۆاكسينانى شىعارۋدىڭ تولىق تىزبەگى بولۋى كەرەك. بۇل دەگەنىمىز QazVac شىعارىلاتىن زاۋىتتا ەكپەنىڭ بيوماسساسىنان باستاپ ۆاكسينانى قۇيۋ مەن قاپتاۋ دە جولعا قويىلۋى شارت.
"قازىرگى كەزدە ۆاكسينانى قۇيۋ جەلىسىنە GMP-كۋالىك بار. نىساننىڭ ەكىنشى كەشەنىن سالۋ جۇمىستارى اياقتالۋعا جاقىن. سول جەردە بيوماسسا جاسالادى. قۇرىلىس تولىعىمەن اياقتالعاننان كەيىن تاعى ءبىر GMP-كۋالىك بەرىلەدى، سودان كەيىن دۇنيەجۇزىلىك دەنساۋلىق ساقتاۋ ۇيىمىنىڭ كۋالىگىن الۋعا مۇمكىندىك بولادى"، - دەدى ەسماعامبەتوۆا.
ونىڭ ايتۋىنشا، زاۋىتتا باسقا ۆاكسينا شىعارىلسا دا، وعان دا حالىقارالىق كۋالىك الۋعا بولادى.
"كەز كەلگەن بيوفارماسيەۆتيكالىق زاۋىتتىڭ قۇرىلىسى – وتە كۇردەلى پروسەسس. وعان جوعارى تالاپتار قويىلادى، ونى ورىنداۋ ءۇشىن كوپ ۋاقىت كەرەك. دەگەنمەن ءبىز زاۋىتتىڭ قۇرىلىسىن جانە ءبىرىنشى جەلىسىن ىسكە قوسۋدى از ۋاقىتتىڭ ىشىندە ىسكە اسىردىق"، - دەپ اتاپ كورسەتتى ۆيسە-مينيستر.
بۇعان دەيىن دەنساۋلىق ساقتاۋ ءمينيسترى اجار عينيات ددسۇ-نىڭ QazVac-تى نە سەبەپتى تىركەمەگەنىن ايتقان. ونىڭ سوزىنە قاراعاندا، ۆاكسينانى وندىرۋشىلەر ۇيىمنىڭ شارتتارىن ورىنداماعان.