الماتىدا ساراپشىلار قازاقستان مەن ورتالىق ازيانىڭ گەوساياسي تۇراقسىزدىق كەزەڭىنە بەيىمدەلۋ ماسەلەسىن تالقىلادى دەپ حابارلايدى aqshamnews.kz.
بۇگىن ءقازاقۇۋ-نىڭ حالىقارىلىق قاتىناستار فاكۋلتەتىندە «پوستكەڭەستىك مەملەكەتتەردىڭ سىرتقى ساياساتىنداعى باتىس ۆەكتورى» اتتى حالىقارالىق عىلىمي-تاجىريبەلىك كونفەرەنسيا ءوتتى. عىلىمي جيىن فاكۋلتەتتىڭ 30 جىلدىق مەرەيتويىنا وراي حالىقارالىق قاتىناستار فاكۋلتەتى، قاۋىپسىزدىك جانە ىنتىماقتاستىق ماسەلەلەرى ينتيتۋتى جانە امەريكاندىق دەموكراتيالىق زەرتتەۋلەر رەسۋرستىق ورتالىعى بىرلەسىپ وتكىزدى.
كونفەرەنسيا بارىسىندا جاڭا گەوساياسي جاعدايدا ەۋروپا جانە اقش-پەن ىنتىماقتاستىقتىڭ وزەكتى ماسەلەلەرىن تالقىلاندى. وعان اقش، فرانسيا، رەسەي، ارمەنيا، قىرعىزستان، وزبەكستان جانە وتاندىق جەتەكشى عالىمدارى مەن ساراپشىلارى قاتىستى. ساراپشىلار تۋربۋلەنتتىلىك كەزەڭىندەگى سىن-قاتەرلەر مەن مۇمكىندىكتەر، ەكونوميكالىق جانە ەنەرگەتيكالىق ارىپتەستىك، قاۋىپسىزدىك جانە ديپلوماتيا سالاسىنداعى ىنتىماقتاستىق، اقش-ڭ پوستكەڭەستىك كەڭىستىكتەگى ءرولى سەكىلدى تاقىرىپتاردا پىكىر الماستى.
تاقىرىپ اياسىندا ە. سەيلەحانوۆ، ب. سۇلتانوۆ، ق. بايزاقوۆا، ف. كۋكەيەۆا جانە ەلىمىزدىڭ وزگە دە بەلگىلى عالىمدارى مەن ساراپشىلارى بايانداما جاسادى. سونداي-اق، كونفەرەنسيا جۇمىسىنا شەتەلدىك عالىمدار دا بەلسەندى قاتىسىپ، ءوز ويلارىن ورتاعا سالدى.
تالقى سوڭىندا سپيكەرلەر قازاقستان مەن ورتالىق ازيانىڭ گەوساياسي تۇراقسىزدىق كەزەڭىنە بەيىمدەلۋ ۇدەرىسى كۇردەلى ەكەنىن، سوعان قاراماستان، سىرتقى ساياساتىن ۇلتتىق مۇددەگە ساي جۇرگىزىپ كەلە جاتقانى جونىندە پىكىر ورتاقتىقتاستىردى.