بيىلدان باستاپ مەكتەپكە جۇمىسقا ورنالاسقىسى كەلەتىن پەداگوگيكالىق جوعارى وقۋ ورىندارىنىڭ تۇلەكتەرى ۇلتتىق بىلىكتىلىك تەستىن (ۇبت) تاپسىرىپ، «پەداگوگ» مارتەبەسىن الۋى ءتيىس.
بۇل باستاما پەداگوگيكالىق جوعارى وقۋ ورىندارى مەن ءبىتىرۋشى تۇلەكتەرى ءۇشىن جاۋاپتى قادام بولماق. سوندىقتان سالالىق جوعارى وقۋ ورىندارىنىڭ مىندەتى – ءوز ءبىلىم الۋشىلارىن وسى ماڭىزدى راسىمگە بارىنشا دايىنداۋ قاجەت، دەپ حابارلايدى اlmaty-akshamy.kz.
ۇلتتىق بىلىكتىلىك تەستىلەۋىن (ۇبت) وتكىزۋ ەرەجەلەرى مەن شارتتارى بويىنشا ءاقپاراتتىق-تۇسىندىرۋ جۇمىستارىن جۇرگىزۋ ماقساتىندا اباي اتىنداعى قازۇپۋ باسقارما توراعاسى-رەكتور دارحان ءبىلالوۆ Town Hall فورماتىندا ۋنيۆەرسيتەت ستۋدەنتتەرىمەن كەزدەسۋ وتكىزدى. ءىس-شاراعا اكادەميالىق ماسەلەلەر جونىندەگى پرورەكتور ماقتاعالي بەكتەمەسوۆ جانە دەپارتامەنت ديرەكتورلارى قاتىستى.
دارحان ءبىلالوۆ بۇل پروسەدۋرانىڭ بولاشاق پەداگوگتار ءۇشىن ماڭىزدىلىعىن ايتىپ، تۇلەكتەردى جۇمىسقا ورنالاستىرۋ – ۋنيۆەرسيتەتتىڭ ماڭىزدى مىندەتتەرىنىڭ ءبىرى ەكەنىن اتاپ ءوتتى. بۇگىندە بۇل كورسەتكىش 96 پايىزدى قۇراپ وتىر.
«ءبىز بولاشاق پەداگوگتاردى دايارلايمىز، ءبىز ءۇشىن ولاردىڭ جوعارى ساپالى ءبىلىمى ماڭىزدى. قۇرمەتتى ءبىلىم الۋشىلار! ەلىمىزدىڭ بولاشاعى سىزدەرگە بايلانىستى. سوندىقتان ءاربىر تۇلەك ۇبت-عا جاۋاپكەرشىلىكپەن قاراۋى كەرەك. ۋنيۆەرسيتەتىمىزدىڭ پروفەسسورلارى مەن وقىتۋشىلارى سىزدەرگە ءبىلىم بەردى، كاسىبي تاجىريبەلەرىمەن ءبولىستى. ۇلتتىق بىلىكتىلىك تەستىنە دايىندالۋ ءۇشىن بارلىق رەسۋرستاردى پايدالانۋ كەرەك. ۇبت-دان ستۋدەنتتەرىمىز ءوتۋى ءۇشىن ۋنيۆەرسيتەت تاراپىنان بارلىق قاجەتتى جاعدايلار جاسالعان»، – دەدى رەكتور.
ءبىلىم بەرۋ ساپاسىن ارتتىرۋ پەداگوگتەردىڭ كاسىبيلىگىمەن تىكەلەي بايلانىستى، ءاربىر ءبىلىم بەرۋ ۇيىمىنىڭ ءتيىمدى جۇمىسىنىڭ نەگىزى ەكەنى باسا ايتىلدى. سوندىقتان بولاشاق مۇعالىمدەردىڭ بىلىكتىلىك دەڭگەيىن انىقتاۋ قۇرالى رەتىندە بۇل تەستىلەۋدىڭ ماڭىزى زور.
ماقتاعالي بەكتەمەسوۆ پەداگوگيكالىق كادرلاردى دايارلاۋ ساپاسىن كۇشەيتۋگە باعىتتالعان ۇبت تاپسىرۋ ەرەجەلەرى مەن شارتتارى تۋرالى، ءبىتىرۋشى كۋرس ستۋدەنتتەرى اراسىندا جاڭاشىلدىقتىڭ قاجەتتىلىگى مەن ماقساتتىلىعى تۋرالى ەگجەي-تەگجەيلى ايتىپ بەردى.
«بولاشاق پەداگوگتارىمىز ۇلتتىق بىلىكتىلىك تەستىلەۋىن تاپسىرعاننان كەيىن عانا مەكتەپتەرگە جۇمىسقا قابىلداناتىن بولادى»، – دەپ مالىمدەدى پرورەكتور.
اباي ۋنيۆەرسيتەتىنىڭ تەستىلەۋ ورتالىعى ۇبت-عا دايىندالۋ ماقساتىندا ءبىتىرۋشى كۋرس ءبىلىم الۋشىلارىنىڭ سىناق تەستىلەۋىن ىسكە قوستى. ولاردىڭ ءارقايسىسى ىڭعايلى ۋاقىتتا، كەز كەلگەن جەردە، كەز كەلگەن قۇرىلعىدان ارنايى ءپان مەن پەداگوگيكا، وقىتۋ ادىستەمەسى بويىنشا سىناق تەستىلەۋدەن وتە الادى. ۋنيۆەرسيتەت كىتاپحاناسى ۇلتتىق بىلىكتىلىك تەستىلەۋىنە دايىندالۋ ءۇشىن وقۋ-ادىستەمەلىك كەشەندەرمەن (وقۋ پاندەرى، پەداگوگيكا، وقىتۋ ادىستەمەسى) جابدىقتالعان.
ستۋدەنتتەرمەن بەيرەسمي كەزدەسۋ جوعارى دەڭگەيدە ءوتتى. وقۋ ۇدەرىسى، ەمتيحانداردى تاپسىرۋ فورماتى، گرانتقا ءوتۋ جانە ت.ب. سۇراقتار قويىلدى. جيىنعا قاتىسۋشىلاردىڭ بەلسەندىلىگىن اتاپ وتكەن ۋنيۆەرسيتەت باسشىلارى سۇراقتار مەن ۇسىنىستارعا جان-جاقتى جاۋاپ بەردى.