بۇگىندە قازاقستاندا 70-تەن اسا بەلگيالىق كاسىپورىندار جۇمىس ىستەيدى
قازاق ۇلتتىق اگرارلىق زەرتتەۋ ۋنيۆەرسيتەتىنە بەلگيا كورولدىگىنىڭ قازاقستانداعى ەلشىسى انري ۆانتيگەم مەن ۆاللون ەكسپورت جانە ينۆەستيسيالار جونىندەگى اگەنتتىگى باس ديرەكتورى شانتال دە بلە (AWEX) باستاعان دەلەگاسياسى كەلدى. ساپار بارىسىندا ولار ەكىجاقتى ءوزارا ءتيىمدى ىنتىماقتاستىقتى ورناتۋ جانە اگروونەركاسىپتىك كەشەن سالاسىنداعى بىرلەسكەن عىلىمي يننوۆاسيالىق جوبالاردى ىسكە اسىرۋ جوبالارىن تالقىلادى دەپ حابارلايدى almaty-akshamy.kz
دەلەگاسيا قۇرامىندا FIT اگەنتتىگىنىڭ ورتالىق ەۋروپا ەلدەرى بويىنشا وڭىرلىك ديرەكتورى بارت ۆان دەن بوش، ۆاللون اگەنتتىگىنىڭ ەۋرازەق ەلدەرى بويىنشا ەكسپورت جانە ينۆەستيسيالار جونىندەگى وڭىرلىك مەنەدجەرى (AWEX) الەكساندرا تونكيح، قازاقستانداعى بەلگيا كورولدىگى ەلشىلىگىنىڭ ساۋدا-ەكونوميكالىق كەڭەسشىسى ايجان مۇساقانوۆا، ەنو پروۆينسياسىنىڭ اگرونوميا جانە اگروونەركاسىپ حالىقارالىق ورتالىعىنىڭ (سARAH) اگرونوميا جونىندەگى مەنەدجەرى فرانسۋا سەرنەلس، ProAniWal كومپانياسىنىڭ باس ديرەكتورى پاسكال لەرۋا بار.
بەلگيا – حالىقتىڭ ءومىر ءسۇرۋ دەڭگەيى وتە جوعارى، بۇۇ-نىڭ ادام دامۋى يندەكسىندە 17ء-شى ورىنعا يە مەملەكەت. ەكى ەل اراسىنداعى ىنتىماقتاستىق بەلگيا كورولدىگى 1991 جىلدىڭ 31 جەلتوقسانىندا قازاقستان تاۋەلسىزدىگىن مويىنداعاننان باستاۋ الادى. بۇگىندە قازاقستاندا 70-تەن اسا بەلگيالىق كاسىپورىندار جۇمىس ىستەيدى.
كەزدەسۋ بارىسىندا سونىمەن بىرگە قازاقستان-بەلگيا اراسىنداعى جوعارى ءبىلىم بەرۋ، عىلىمي-زەرتتەۋ قىزمەتى مەن اۋىل شارۋاشىلىعى سالاسىنداعى جاڭا مۇمكىندىكتەردى ارتتىرۋ ماسەلەلەرى تالقىلاندى. شانتال دە بلە حانىمنىڭ ايتۋىنشا، قازۇازۋ عالىمدارى بەلگيانىڭ اۋىل شارۋاشىلىعى داقىلدارىن ءوسىرۋ جونىندەگى تاجىريبەسىن زەردەلەپ، الىنعان تاجىريبەنى ەلىمىزدەگى كارتوپ ترانسفەرتىنە جانە ونىڭ بەيىمدەلۋىنە قولدانا الادى.
ەنو پروۆينسياسىنىڭ اگرونوميا جانە اگروونەركاسىپ حالىقارالىق ورتالىعىنىڭ (CARAH) اگرونوميا جونىندەگى مەنەدجەرى فرانسۋا سەرنەلس قازۇازۋ عالىمدارىمەن ىنتىماقتاستىق ورناتۋ جونىندەگى باستامالاردى قولدايتىنىن جانە بىرلەسكەن جوبالار جاساۋ جونىندە ءوزىنىڭ ۇسىنىستارىن ءبىلدىردىردى. ءبىزدىڭ عالىمدارىمىزدىڭ وسى كومپانيا ماماندارىمەن ىنتىماقتاستىعى قازاقستاندا كارتوپ داقىلدارىن كوبەيتۋ ءۇشىن جاڭا اگروتەحنولوگيالاردى ەنگىزۋگە، سونداي-اق فەرمەرلەردىڭ قۇزىرەتىن ارتتىرۋعا مۇمكىندىك بەرەدى دەپ سانايمىن.
قازۇازۋ باسشىلارىنىڭ ايتۋىنشا، ۋنيۆەرسيتەتتىڭ ميكروكلونالدى كوبەيۋ زەرتحاناسىندا كارتوپتى ۆيرۋسسىز وتىرعىزۋ ماتەريالىن شىعارۋعا بولادى. سونداي-اق جەمىس-كوكونىس شارۋاشىلىعى عزي زەرتحانالارىن دا وسى يگىلىكتى ىسكە قوسۋ قاجەت دەپ ويلايمىز. بولاشاقتا ەلىمىزدە كارتوپتى وڭدەۋدى جوعارى دەڭگەيگە كوتەرۋ جوسپارلانۋدا. وعان وقۋ ورنىمىزدىڭ بىلىكتى عالىمدارى دا ءوز ۇلەستەرىن قوساتىن بولادى.
كەزدەسۋ بارىسىندا پروەنيۆول (ProAniWal) كومپانياسىنىڭ باس ديرەكتورى پاسكال لەرۋا مال شارۋاشىلىعى سالاسىندا بىرلەسىپ جۇمىس ىستەۋ تاسىلدەرىن ۇسىنىپ، كومپانيانىڭ مال شارۋاشىلىعى سالاسىنداعى تاجىريبەسىمەن بولىسۋگە دايىن ەكەنىن جەتكىزدى. ونىڭ ايتۋىنشا، "ProAniWal" – گەنەتيكا جانە مال تۇقىمىن اسىلداندىرۋ، باعۋ، ازىقتاندىرۋ، مەنەدجمەنت، مونيتورينگ، قورشاعان ورتانى قورعاۋ، ماركەتينگ، عىلىمي زەرتتەۋلەر، كادرلاردى دايارلاۋ جانە ت. ب. باعىتتار بويىنشا ۆاللونيادا (بەلگيا) مال شارۋاشىلىعىن دامىتۋمەن اينالىساتىن كوممەرسيالىق ەمەس ۇيىم. سونىمەن قاتار بۇل كومپانيا جانۋارلاردىڭ پارنيكتىك گازدار شىعارىندىلارىن ازايتۋىنىڭ بالاما جولدارىن زەرتتەۋمەن اينالىسادى.
ءوز سوزىندە قازۇازۋ باسقارما ءتوراعاسى - رەكتور تىلەكتەس ەسپولوۆ ۋنيۆەرسيتەت ءوز تاراپىنان اگروكەشەن سالاسىنداعى ءونىم ءوندىرۋدى ۇلعايتۋعا ىقپالى تيەتىن بارلىق بىرلەسكەن يننوۆاسيالىق عىلىمي جوبالاردى جۇزەگە اسىرۋعا بارلىق جاعدايدى جاسايدى دەپ سەندىردى.
كەزدەسۋ سوڭىندا قوناقتار ۆاگەنينگەن ينستيتۋتى، وسىمدىكتەردىڭ ميكروكانالدى كوبەيۋ زەرتحاناسى، اگروتەحنيكالىق جانە سۋ حابتارىندا، قازاقستان-بەلارۋس اگروينجەنەرلىك يننوۆاسيالىق جانە قازاق-جاپون ازىق-تۇلىك تەحنولوگيالارى ورتالىقتارىندا، ءسۇت جانە ءسۇت ونىمدەرىنىڭ رەفەرەنتتىك زەرتحاناسىندا بولىپ، عىلىمي ىزدەنىستەردىڭ جەتىستىكتەرىمەن تانىسا كەلە قازۇازۋ بازاسىنداعى دامىعان عىلىمي-يننوۆاسيالىق ينفراقۇرىلىم مەن عالىمداردىڭ قىزمەتىنە جوعارى باعا بەردى.