«قازترانسگاز ايماق» اق الماتى وندىرىستىك فيليالىنىڭ قىزمەتىنە جۇرگىزىلگەن تەكسەرۋ بارىسىندا ۇستەم جانە مونوپوليالىق جاعدايدى تەرىس پايدالانۋ فاكتىلەرى انىقتالدى، - دەپ حابارلايدى Almaty-akshamy.kz باس پروكۋراتۋرانىڭ باسپا ءسوز قىزمەتىنە سىلتەمە جاساپ.
مىسالى، مونوپوليستتەردىڭ شارتى بويىنشا، كاسىپكەرلەر، عازدىڭ پايدالانىلماعان كولەمى ءۇشىن گاز قۇنىنىڭ 10 پايىزىن زاڭسىز تولەم كەلگەن.
ۇستەم جانە مونوپوليالىق جاعدايىن تەرىس پايدالانعانى ءۇشىن «قازترانسگاز ايماق» اق فيليالى ق ر «اكىمشىلىك قۇقىق بۇزۋشىلىق تۋرالى» كودەكسىنىڭ 159-بابى 3-1-بولىگى بويىنشا جاۋاپتىلىققا تارتىلىپ 497،1 ميلليون تەڭگە كولەمىندە ايىپپۇل سالىندى، -دەپ جازدى massaget.kz.
سونىمەن قاتار، 2022 جىلى تابيعي مونوپوليا سۋبەكتىسى، كورسەتەتىن قىزمەتتەر كولەمىنىڭ وسۋىنە قاراماستان كومپانيا 2023 جىلعا ارنالعان ءتاريفتى تومەندەتكەن جوق (كورسەتىلگەن قىزمەتتەردىڭ كولەمىنىڭ ۇلعايۋىنا بايلانىستى تاريف قايتا قارالۋى ءتيىس).
وسىعان وراي، تابيعي مونوپوليالاردى رەتتەۋ دەپارتامەنتىنىڭ قاداعالاۋ اكتىسىمەن، اعىمداعى جىلدىڭ 1 ساۋىرىنەن باستاپ تاۋارلىق گازدى تاسىمالداۋ ءتاريفىن 6 پايىزعا، 1000 م3 ءۇشىن 4 099،25 تەڭگەدەن 1000 م3 3 848،03 تەڭگەگە دەيىن تومەندەتۋ تۋرالى بۇيرىق شىعارىلدى.
قابىلدانعان شارالار الماتى قالاسىندا 450 000 تۇتىنۋشىنىڭ، ونىڭ ىشىندە 8 800 كاسىپكەردىڭ قۇقىعىن قورعادى.