كومپانيانىڭ لوگوتيپىنە دە وزگەرتۋلەر ەنگىزىلدى. لوگوتيپ «QAZAQGAZ AIMAQ» اق ديزاينەرلەرى توبى قارجىلىق شىعىندارسىز ازىرلەدى.
قازاقستان رەسپۋبليكاسىنداعى ءىرى گازبەن جابدىقتاۋشى كومپانيا «قازترانسگاز ايماق» اق اتاۋىن «QAZAQGAZ AIMAQ» اق دەپ وزگەرتتى، دەپ حابارلايدى اlmaty-akshamy.kz.
رەبرەندينگ كومپانيانىڭ اتاۋى مەن لوگوتيپىن وزگەرتۋگە عانا قاتىستى ەمەس، بۇل ترانسفورماسيا ىشكى ءبىراز بيزنەس - پروسەستەرگە اسەر ەتەدى.
ەندى «QAZAQGAZ AIMAQ» اق گازدى تاسىمالداۋدان باستاپ، ونى تۇپكىلىكتى تۇتىنۋشىعا وتكىزۋگە دەيىنگى، سونداي-اق ءوزىنىڭ گاز تاراتۋ جەلىلەرى مەن ونداعى گاز جابدىقتارىن دەربەس پايدالانۋ مەن جاڭعىرتۋعا دەيىنگى ءوندىرىستىڭ تولىق سيكلىن وزىنە قايتاردى.
بۇل – جىلىتۋ ماۋسىمدارىنا دايىندىقتى ءتيىمدى جۇرگىزۋگە، ءتۇرلى وقيعالاردىڭ الدىن الۋعا، تەحنولوگيالىق اقاۋلارعا جەدەل نازار اۋدارۋعا مۇمكىندىك بەرەدى.
«QAZAQGAZ AIMAQ» اق گاز تاراتۋ جۇيەلەرىن پايدالانۋ جۇمىستارىمەن تىكەلەي اينالىساتىن 3 309 وندىرىستىك ماماندى جۇمىسقا قوسىمشا قابىلدادى. بۇل كومپانيانىڭ مارتەبەسىن وسىرۋمەن قاتار، «QAZAQGAZ AIMAQ» اكسيونەرلىك قوعامىنا ۇلكەن جاۋاپكەرشىلىك جۇكتەيدى.
«QAZAQGAZ AIMAQ» كومپانياسى «QazaqGaz» ۇك» اق ەنشىلەس كومپانياسى جانە قازاقستاننىڭ ىشكى نارىعىنداعى گازبەن جابدىقتاۋشى نەگىزگى ۇيىمداردىڭ ءبىرى. كومپانيا قىزمەتىنىڭ نەگىزگى باعىتى – وڭىرلەردەگى بارلىق تۇتىنۋشىلاردى تابيعي گازبەن ۇزدىكسىز جانە اپاتسىز قامتاماسىز ەتۋ.
«QAZAQGAZ AIMAQ» اق تۇتىنۋشىلاردى گازبەن جابدىقتاۋدىڭ قولجەتىمدىلىگىن، سەنىمدىلىگىن جانە قىزمەت كورسەتۋدىڭ ساپاسىن ارتتىرۋعا باسىمدىق بەرەدى. بۇعان كومپانيا قىزمەت كورسەتۋ جىلدامدىعى مەن جۇمىستاردى كاسىبي ورىنداۋ جانە تۇتىنۋشىعا ەرەكشە نازار اۋدارۋ ەسەبىنەن قول جەتكىزدى.
بۇگىنگى تاڭدا «QAZAQGAZ AIMAQ» اق ءوزىنىڭ وندىرىستىك فيليالدارى ارقىلى بارلىق گازداندىرىلعان ون ءتورت وبلىسقا جانە رەسپۋبليكالىق ماڭىزى بار ءۇش قالاعا تاۋارلىق گاز جەتكىزەدى، ولار – اقتوبە، الماتى، اتىراۋ، اقمولا، شىعىس قازاقستان، جامبىل، جەتىسۋ، باتىس قازاقستان، قاراعاندى، قىزىلوردا، قوستاناي، ماڭعىستاۋ، تۇركىستان جانە ۇلىتاۋ وبلىستارى، رەسپۋبليكالىق ماڭىزى بار استانا، الماتى جانە شىمكەنت قالالارى.
كومپانيا رەسپۋبليكانىڭ 12 ميلليونعا جۋىق تۇرعىنىن (2 ميلليون 400 مىڭنان استام ابونەنت) گازبەن قامتاماسىز ەتەدى، گاز تۇتىنۋشى تۇرعىن سانى الدىڭعى جىلمەن سالىستىرعاندا 500 مىڭداي ادامعا وسكەن. تۇتىنۋشىعا گاز جەتكىزەتىن تاراتۋ جەلىلەرىنىڭ ۇزىندىعى 69 مىڭ شاقىرىمنان استى، بۇل وتكەن جىلمەن سالىستىرعاندا 5 500 كم-گە ارتىق.
كومپانيا 69 مىڭ شاقىرىم گاز قۇبىرلارى ارقىلى شامامەن 12 ميلليون تۇرعىندى (2 400 مىڭنان استام ابونەنت) تابيعي گازبەن قامتاماسىز ەتەدى.
قۋاتتى كادرلىق الەۋەتى، قازىرگى زامانعى يننوۆاسيالىق جانە اقپاراتتىق تەحنولوگيالارمەن قامتاماسىز ەتىلگەن جوعارى ماتەريالدىق-تەحنيكالىق بازاسى بار «QAZAQGAZ AIMAQ» اق، گازبەن جابدىقتاۋ سالاسىندا قىزمەتتەر كورسەتۋ جونىندەگى جەتەكشى كومپانيا رەتىندە، بولاشاقتا تابيعي گازدى جەتكىزۋ مەن تاسىمالداۋدىڭ سەنىمدىلىگىن، گازبەن جابدىقتاۋ قىزمەتتەرىنىڭ جوعارى ساپاسىن سالانى سيفرلاندىرۋ ارقىلى قامتاماسىز ەتۋگە بارىن سالادى.
كومپانيا قىزمەتىن سيفرلاندىرۋ اياسىندا گازداندىرۋعا قاجەتتى تەحنيكالىق شارتتار الۋعا ءوتىنىم بەرۋ Egov.kz ەلەكتروندىق ۇكىمەت پورتالىنا شىعارىلدى. سونداي-اق، «QAZAQGAZ AIMAQ» اق وبەكتىنى گازداندىرۋ ءۇشىن قۇرىلىس-مونتاج جۇمىستارىن جۇرگىزەتىن ليسەنزيالانعان كومپانيالاردى ىزدەۋگە ارنالعان Marketplace پورتالى ىسكە قوستى.
كومپانيانىڭ مىندەتى – ادامدارعا جىلۋلىق پەن قۋانىش سىيلاۋ، ەلدىڭ ءال-اۋقاتىن ارتتىرۋدى دامىتۋعا ۇلەس قوسۋ.
ەسكە سالساق، 2002 جىلعى 15 ءساۋىر، بۇل كۇنى "قازترانسگاز" اق شەشىمىمەن "قازترانسگاز ديستريبيۋشن" جاق قۇرىلدى. 2005 جىلى كومپانيا، وعان "وڭىرلىك گاز تاسىمالداۋ جۇيەسى" اق قوسىلعاننان كەيىن قايتا قۇرىلدى، 2007 جىلعى 25 قاڭتاردا "قازترانسگاز ايماق" اق بولىپ اتالدى.
2007 جىلدىڭ 11 ماۋسىمىنان باستاپ كومپانيا ءوزىنىڭ وندىرىستىك فيليالدارى ارقىلى گاز تاسىمالداۋعا كىرىستى.
«QAZAQGAZ AIMAQ» اق جالعىز اكسيونەرى – «QazaqGaz» ۇك» اق.
«QazaqGaz» ۇك» اق «سامۇرىق-قازىنا» ءۇاق» اق پورتفەلدىك كومپانياسى بولىپ تابىلادى.