«قازترانس ويل» اق اكىمشىلىك ءىس قوزعالعان سوڭ ءتاريفىن تومەندەتتى، دەپ حابارلايدى almaty-akshamy.kz ق ر ەنەرگەتيكا مينيسترلىگى تابيعي مونوپوليالاردى رەتتەۋ كوميتەتىنىڭ باسپا ءسوز قىزمەتىنە سىلتەمە جاساپ.
باسپا ءسوز قىزمەتىنىڭ مالىمەتتەرىنە قاراعاندا، «تابيعي مونوپوليالار تۋرالى» قازاقستان رەسپۋبليكاسىنىڭ زاڭىنا سايكەس، «قازترانسويل» اق-ى تابيعي مونوپوليا سۋبەكتىسى رەتىندە جىل سايىن ەسەپتى كەزەڭنەن كەيىنگى جىلدىڭ 1 مامىرىنان كەشىكتىرمەي، ق ر ۇەم تابيعي مونوپوليالاردى رەتتەۋ كوميتەتىنە بەكىتىلگەن تاريفتىك سمەتانىڭ ورىندالۋى تۋرالى ەسەپ بەرۋگە مىندەتتى.
وسىلايشا، «قازترانسويل» اق-نىڭ 2020 جىلدىڭ قازاقستان رەسپۋبليكاسىنىڭ ىشكى نارىعىنا ماگيسترالدىق قۇبىر ارقىلى مۇناي ايداۋ قىزمەتىنە تاريفتىك سمەتانىڭ ورىندالۋى تۋرالى ەسەپتى تالداۋ قورىتىندىسى بويىنشا، شىعىندارى ۋاكىلەتتى ورگان بەكىتكەن مولشەرلەردەن بەس پايىزدان استام ورىندالماۋى انىقتالدى جانە قازاقستان رەسپۋبليكاسى ۇلتتىق بانكىنىڭ قايتا قارجىلاندىرۋ مولشەرلەمەسىن (9،75%) ەسكەرە وتىرىپ، نەگىزسىز كىرىستىڭ جالپى سوماسى 370 ملن. تەڭگەدەن استام سومانى قۇرادى.
ناتيجەسىندە، تڭبي،ي مونوپوليالاردى رەتتەۋ كوميتەتى قوسىمشا قۇن سالىعىن ەسەپكە الماعاندا 1000 كم-گە 1 توننا ءۇشىن 4 355،57-دەن 4328،04 تەڭگەگە دەيىن تومەندەتە وتىرىپ، ق ر ىشكى نارىعىنا ماگيسترالدىق قۇبىر ارقىلى مۇناي ايداۋ قىزمەتتەرىنە وتەمدىك تاريف ەنگىزدى، وندا تومەندەۋ 0،63% - دى قۇرادى.
سونداي-اق، ءوز كەزەگىندە، «تابيعي مونوپوليالار تۋرالى» قازاقستان رەسپۋبليكاسىنىڭ زاڭىنا سايكەس تابيعي مونوپوليا سۋبەكتىسى بەكىتىلگەن تاريفتىك سمەتانى ورىنداۋعا مىندەتتى. وسىعان بايلانىستى، تاريفتىك سمەتانىڭ تالاپتارىن ورىنداماعانى ءۇشىن، «قازترانسويل» اق-نا قاتىستى اكىمشىلىك قۇقىق بۇزۋشىلىق تۋرالى كودەكسىنىڭ 164-بابىنىڭ 4-بولىگى بويىنشا اكىمشىلىك ءىس قوزعالدى.
بۇل رەتتە، اتالعان قۇقىق بۇزۋشىلىق ءۇشىن ايىپپۇل سوماسى 4،6 ملن. تەڭگەنى قۇرايدى. الايدا، «قازترانسويل» اق-ى تاريفتىك ۆەدومستۆونىڭ شەشىمىمەن كەلىسپەي، اكىمشىلىك قۇقىق بۇزۋشىلىق تۋرالى ءىستى قاراۋ تۋرالى ءوتىنىشتى نۇر-سۇلتان قالاسىنىڭ اكىمشىلىك قۇقىق بۇزۋشىلىق جونىندەگى مامانداندىرىلعان اۋدانارالىق سوتىنا جىبەردى.