مۇنداعى ماقسات - پروباسيالىق باقىلاۋدى دامىتۋ.
ق ر ىشكى ىستەر ءمينيسترى ەرلان تۇرعىمبايەۆتىڭ ايتۋىنشا، 2022 جىلعى 1 قاڭتاردان باستاپ پەدوفيلدەرگە ەلەكتروندىق بىلەزىك تاعىلادى، دەپ حابارلايدى Almaty-akshamy.kz
«پروباسيالىق باقىلاۋدى دامىتۋ ءۇشىن ەلەكتروندىق بىلەزىكتەر ەنگىزىلۋدە. بيىل ءبىز بۇل جۇمىستى ىلكى جوبا رەتىندە باستايمىز. ءبىرىنشى كەزەكتە 2022 جىلعى 1 قاڭتاردان باستاپ پەدوفيلدەرگە قاتىستى قولدانىلادى»، - دەدى ەرلان تۇرعىمبايەۆ.
سونىمەن قاتار ول سىبايلاس جەمقورلىققا قارسى ناقتى ءىس-شارالار قابىلدانعانىن ايتتى.
«جەمقورلىقتى جويۋ ءۇشىن ازاماتتارمەن تىكەلەي بايلانىس ازايدى. كولىك جۇرگىزۋ كۋالىگىن بەرۋ جانە ەمتيحان قابىلداۋ فۋنكسيالارى «ازاماتتارعا ارنالعان ۇكىمەت» مەملەكەتتىك كورپوراسياسىنا بەرىلدى. تىركەۋ-ەمتيحان ورتالىقتارى جويىلدى. پوليسيا قىزمەتكەرلەرى كولىك قۇرالدارىنىڭ كريمينالدىق تاريحىن عانا تەكسەرەدى. قازاقستاندا 30 تاۋلىككە دەيىن بولاتىن شەتەل ازاماتتارىن تىركەۋ توقتاتىلدى. ەلەكتروندىق ۆيزالار ەنگىزىلدى. تىكەلەي حالىقارالىق اۋەجايلارعا كىرۋ ۆيزالارىن بەرۋ ۇيىمداستىرىلدى»، - دەدى مينيستر.